വാഷിങ്ടണ്‍: ചെമ്മരിയാടിന്റെ പുറത്ത് കറുത്ത മുയല്‍ക്കുട്ടികള്‍. രസകരമായ വീഡിയോ വൈറലായിരിക്കുകയാണ്. ഫെര്‍ഗ് ഹോണ്‍ എന്ന 64കാരനായ കര്‍ഷകനാണ് ഈ അപൂര്‍വ ദൃശ്യങ്ങള്‍ ക്യാമറയില്‍ പകര്‍ത്തിയത്. ന്യൂസീലാന്‍ഡിലാണ് സംഭവം.
കഴിഞ്ഞ ദിവസം കനത്ത മഴയിലും തുടര്‍ന്നുണ്ടായ വെള്ളപ്പൊക്കത്തിലും അകപ്പെട്ട നാല്‍പ്പതോളം ചെമ്മരിയാടുകളെ രക്ഷിക്കാനെത്തിയതായിരുന്നു ഫെര്‍ഗ് ഹോണ്‍. ഇദ്ദേഹത്തിന്റെ സുഹൃത്തിന്റേതായിരുന്നു ആടുകള്‍. ബന്ധുവിന്റെ വിവാഹത്തില്‍ പങ്കെടുക്കാന്‍ സുഹൃത്ത് റഷ്യയിലേക്കു പോയപ്പോള്‍ നോക്കാന്‍ ഏല്‍പ്പിച്ചതായിരുന്നു. ആടുകളെ രക്ഷിക്കാനെത്തിയപ്പോഴാണ് അവയുടെ ഇടയില്‍ കറുപ്പു നിറങ്ങള്‍ ശ്രദ്ധയില്‍പ്പെട്ടത്.
സുഹൃത്തിന് കറുത്ത ചെമ്മരിയാടുകള്‍ ഇല്ലാത്തതിനാല്‍ സൂക്ഷിച്ചു നോക്കിയപ്പോഴാണ് ചെമ്മരിയാടിന്റെ പുരത്തിരിക്കുന്നത് കറുത്ത കാട്ടുമുയലുകളാണെന്ന് വ്യക്തമായത്. മൂന്ന് മുയലുകളെയാണ് കണ്ടെത്തിയത്. ഫാമില്‍ വെള്ളം കയറിയ ഉടന്‍തന്നെ ആടുകള്‍ സമീപത്തുള്ള കുന്നിന്റെ മുകളിലേക്ക് ഓടിക്കയറിയിരുന്നു. മുയലുകളാകട്ടെ ചെമ്മരിയാടിന്റെ പുറത്തും സുരക്ഷിതരായി. വീഡിയോ കാണാം…
Post Your Comments