നിയന്ത്രണ രേഖയിൽ നുഴഞ്ഞുകയറാൻ ശ്രമിച്ച തീവ്രവാദികളെ സൈന്യം വധിച്ചു

ശ്രീനഗര്‍:നിയന്ത്രണ രേഖയിൽ നുഴഞ്ഞുകയറാൻ ശ്രമിച്ച തീവ്രവാദികളെ വധിച്ചു. നുഴഞ്ഞു കയറാന്‍ ശ്രമിച്ച മൂന്ന് തീവ്രവാദികളെയാണ് സൈന്യം വധിച്ചത്. സംഭവം നടന്നത് വടക്കന്‍ കശ്മീരിലെ ബന്ദിപ്പോറ ജില്ലയിലെ ഗുറെസ് മേഖലയിലായിരുന്നു. നിയന്ത്രണ രേഖയില്‍ അസ്വാഭാവിക നീക്കം ശ്രദ്ധയില്‍ പെട്ട സൈന്യം നുഴഞ്ഞു കയറാനുള്ള ശ്രമത്തെ ആദ്യം ചെറുത്തു.

തുടർന്ന് ഏറ്റുട്ടലിന് സമാനമായ സാഹചര്യം ഉടലെടുത്തപ്പോള്‍ ഇവരെ പിന്നീട് വെടി വെച്ച് കൊല്ലുകയായിരുന്നു. 22 നുഴഞ്ഞു കയറ്റ ശ്രമങ്ങളെ ഈ വര്‍ഷം ഇത്തരത്തില്‍ ചെറുക്കാന്‍ സൈന്യത്തിനായിട്ടുണ്ട്. മാത്രമല്ല 38 നുഴഞ്ഞുകയറ്റക്കാരെ വധിക്കുകയും ചെയ്തു.