പ്രമുഖ നടി ആക്രമിക്കപ്പെട്ട കേസില്‍ തന്റെ മൊഴി രേഖപ്പെടുത്തുമെന്ന രീതിയില്‍ പ്രചരിക്കുന്ന വാര്‍ത്തകള്‍ തെറ്റാണെന്ന് പി.സി. ജോര്‍ജ് എംഎല്‍എ. ജോര്‍ജിന്റെ മൊഴി രേഖപ്പെടുത്തുമെന്ന് രീതിയിലുള്ള വാര്‍ത്തകള്‍ പ്രചരിക്കാന്‍ കാരണം നടി ആക്രമിക്കപ്പെട്ടതില്‍ ഗൂഢാലോചനയുണ്ടെന്നും ഇതിന്റെ തെളിവുകള്‍ കൈവശം ഉണ്ടെന്നും പി.സി ജോര്‍ജ് പറഞ്ഞതിനെ തുടര്‍ന്നാണ്. പോലീസ് ഇതിനു നോട്ടീസ് ഉടന്‍ നല്‍കുമെന്നും റിപ്പോര്‍ട്ട് ഉണ്ടായിരുന്നു.
ഇതു വരെ ആരും മൊഴി രേഖപ്പെടുത്തുന്ന കാര്യം ഫോണില്‍ കൂടി പോലും അറിയിച്ചിട്ടില്ല. പോലീസ് അങ്ങനെ പറഞ്ഞിട്ടില്ലെന്നും ജോര്‍ജ് പറഞ്ഞു. ഞാന്‍ പോലീസിനോട് ഇക്കാര്യം തിരക്കി. അവര്‍ ഇത്തരം ഒരു തീരുമാനം എടുത്തില്ലെന്നും അദ്ദേഹം കൂട്ടിച്ചേര്‍ത്തു.
നടന്‍ ദിലീപിന്റെ അറസ്റ്റിനുപിന്നാലെ ദിലീപിനെ അനുകൂലിക്കുന്ന പ്രസ്താവനയുമായി പി.സി.ജോര്‍ജ് രംഗത്തെത്തിയിരുന്നു. അറസ്റ്റിനുപിന്നില്‍ ഗൂഢാലോചനയുണ്ടെന്നു സംശയിക്കുന്നതായി മാധ്യമങ്ങളോട് വ്യക്തമാക്കിയ അദ്ദേഹം മുഖ്യമന്ത്രിക്ക് പരാതി നല്‍കിയിരുന്നു.
Post Your Comments