ഇ​ന്ത്യ​ക്ക് മികച്ച തുടക്കം ധവാനും പുജാരയും തിളങ്ങി

ഗോ​ൾ: ശ്രീ​ല​ങ്ക​യ്ക്കെ​തി​രാ​യ ഒ​ന്നാം ക്രി​ക്ക​റ്റ് ടെ​സ്റ്റി​ന്‍റെ ആ​ദ്യ ദി​നം ഇന്ത്യക്കു സ്വപ്നതുല്യമായ തുടക്കം. ഓ​പ്പ​ണ​ർ ശി​ഖ​ർ ധ​വാ​ന്‍റെ​യും മ​ധ്യ​നി​ര​താ​രം ചേ​തേ​ശ്വ​ർ പു​ജാ​ര​യു​ടെയും​ പ്രകടനമാണ് ഇന്ത്യക്ക് ശക്തമായ അടിത്തറയിട്ടത്. ഇരുവരും സെ​ഞ്ചു​റി നേടി. ആദ്യ ദിനം മത്സരം അവസാനിച്ചപ്പോൾ ഇ​ന്ത്യ 399/3 എ​ന്ന നി​ല​യി​ലാണ്. പു​ജാ​ര(144)​യും 39 റ​ണ്‍​സു​മാ​യി അ​ജി​ൻ​ക്യ ര​ഹാ​നെ​യു​മാ​ണ് ക്രീ​സി​ൽ.

ഇന്ത്യ വിദേശത്ത് ആദ്യദിനം കരസ്ഥമാക്കുന്ന ഏ​റ്റ​വും ഉ​യ​ർ​ന്ന സ്കോ​റാ​ണ് ഇത്. ടോ​സ് നേ​ടി ബാ​റ്റിം​ഗ് തെ​ര​ഞ്ഞെ​ടു​ത്ത ഇ​ന്ത്യ​ൻ നാ​യ​ക​ൻ വി​രാ​ട് കോ​ഹ്ലിയുടെ തീരുമാനം ശരിവയ്ക്കുന്ന പ്രകടനമാണ് കളത്തിൽ ധവാനും പുജാരയും നടപ്പാക്കിയത്. കളിയുടെ തുടക്കത്തിൽ ​ ഓ​പ്പ​ണ​ർ അ​ഭി​ന​വ് മു​കു​ന്ദി​നെ നു​വാ​ൻ പ്ര​ദീ​പ് പു​റ​ത്താ​ക്കി. സ്കോ​ർ 27ൽ ​എ​ത്തി​യ​പ്പോ​ഴാണ് 12 റ​ണ്‍​സ് നേ​ടി​യ അ​ഭി​ന​വ് മു​കു​ന്ദ് ഔട്ടായത്. പക്ഷേ പിന്നീട് ധ​വാ​ൻ-​പൂ​ജാ​ര സ​ഖ്യം ക്രീസിൽ വെടിക്കെട്ട് തീർത്തു. ഇ​രു​വ​രും ചേ​ർ​ന്ന് ര​ണ്ടാം വി​ക്ക​റ്റി​ൽ 253 റ​ണ്‍​സ് അ​ടി​ച്ചു​കൂ​ട്ടി. 167 പ​ന്ത് മാ​ത്രം നേ​രി​ട്ട ധ​വാ​ൻ 31 ബൗ​ണ്ട​റി​ക​ളു​ടെ സ​ഹാ​യ​ത്തോ​ടെ 190 റ​ണ്‍​സ് നേ​ടി പു​റ​ത്താ​യി.
പക്ഷേ പിന്നീട് എത്തിയ നായക​ൻ വി​രാ​ട് കോ​ഹ്ലി നിരാശപ്പെടുത്തി. മൂന്നു റൺസ് മാത്രം നേടിയ നായകൻ പുറത്തായപ്പോൾ ര​ഹാ​നെ എ​ത്തി​യ​തോ​ടെ ഇ​ന്ത്യ വീ​ണ്ടും പി​ടി​മു​റു​ക്കി.