കോട്ടയത്ത് നഴ്‌സുമാര്‍ വീണ്ടും സമരത്തില്‍ !!

കോട്ടയം: കോട്ടയത്ത് വീണ്ടും നഴ്സുമാര്‍ സമരത്തില്‍. കോട്ടയം ഭാരത് ആശുപത്രിയിലെ നഴ്‌സുമാരാണ് സമരത്തിന് നോട്ടീസ് നല്‍കിയിരിക്കുന്നത്. വേതന വര്‍ദ്ധനവ് ആവശ്യപ്പെട്ടുള്ള സമരത്തില്‍ പങ്കെടുത്തതിന് അഞ്ച് നേഴ്‌സുമാരെ പിരിച്ചുവിട്ടിരുന്നെന്നും, ഇവരെ തിരിച്ചെടുക്കണമെന്നും ആവശ്യപ്പെട്ടാണ് സമരം ആരംഭിച്ചിരിക്കുന്നത്. എന്നാല്‍ പിരിച്ചുവിട്ടത് അവരുടെ കരാര്‍ കാലാവധി കഴിഞ്ഞതിനാലാണ് എന്നാണ് ആശുപത്രി അധികൃതര്‍ പറയുന്നത്. ശമ്പള വര്‍ദ്ധനവ്, ഷിഫ്റ്റ് സംവിധാനം എന്നീ ആവശ്യങ്ങള്‍ ഉന്നയിച്ച് കഴിഞ്ഞ ദിവസം ഇവര്‍ ലേബര്‍ ഓഫീസറെ സമീപിച്ചിരുന്നു.