തിരുവനന്തപുരം: സംസ്ഥാന വോളിബോൾ അസോസിയേഷൻ പിരിച്ചുവിട്ടു. കേരളാ സ്പോർട്സ് കൗണ്‍സിലിലാണ് അസോസിയേഷൻ പിരിച്ചുവിട്ടത്. വിവിധ ജില്ലകളിൽ നടന്ന അസോസിയേഷൻ തെരഞ്ഞെടുപ്പുകളിൽ ക്രമക്കേട് കണ്ടെത്തിയതിനെ തുടർന്നാണ് നടപടിയെന്ന് സ്പോർട്സ് കൗണ്‍സിൽ പ്രസിഡന്‍റ് ടി.പി.ദാസൻ പറഞ്ഞു.
അതേസമയം വോളിബോൾ അസോസിയേഷനെ പിരിച്ചുവിടാൻ കേരളാ സ്പോർട്സ് കൗണ്‍സിലിന് യാതൊരു അധികാരവുമില്ലെന്നു നിലപാടുമായി വോളിബോൾ അസോസിയേഷൻ സംസ്ഥാന പ്രസിഡന്‍റ് ചാർളി ജേക്കബ് രംഗത്ത്. അസോസിയേഷൻ പിരിച്ചുവിട്ടത് സിപിഎമ്മിന്‍റെ ആളുകളെ കുത്തി നിറയ്ക്കാനുള്ള ശ്രമത്തിന്റെ ഭാഗമാണ്. ഈ നടപടിക്ക് എതിരെ രാഷ്ട്രീയപരമായും നിയമപരമായും നടപടികൾ കൈക്കൊള്ളുമെന്നും ചാർളി ജേക്കബ് കൂട്ടിച്ചേർത്തു.
Post Your Comments