ദിലീപിനെ ഹോട്ടലില്‍ എത്തിച്ച് തെളിവെടുപ്പ് നടത്തി

കൊച്ചി: നടി ആക്രമിക്കപ്പെട്ട കേസില്‍ പതിനൊന്നാം പ്രതിയായ നടന്‍ ദിലീപിനെ ഹോട്ടലില്‍ എത്തിച്ച് തെളിവെടുപ്പ് നടത്തി. കൊച്ചിയിലെ അബാദ്പ്ലാസ ഹോട്ടലിലാണ് എത്തിയത്. ഹോട്ടലിലെ 41ാം മുറിയിലാണ് തെളിവെടുപ്പ് നടത്തിയത്.

ജനങ്ങളുടെ പ്രതിഷേധത്തെ തുടര്‍ന്ന് വൈകിയാണ് ദിലീപിനെ പോലീസ് ബസില്‍ നിന്നും ഇറക്കിയത്. വന്‍ സുരക്ഷയിലാണ് ദിലീപിനെ ഹോട്ടലില്‍ എത്തിച്ചത്. 41ാം മുറിയിലാണ് ഗൂഢാലോചന നടന്നതെന്ന് നേരത്തെ റിപ്പോര്‍ട്ടുണ്ടായിരുന്നു. 2013 ല്‍ നടന്ന അമ്മയുടെ സ്‌റ്റേജ് ഷോയുടെ ഭാഗമായാണ് ഈ ഹോട്ടലില്‍ ദിലീപ് എത്തിയത്. രണ്ട് ദിവസം പോലീസ് കസ്റ്റഡിയില്‍ വാങ്ങിയ ദിലീപിന്റെ തെളിവെടുപ്പ് തുടരുകയാണ്.