കള്ളനോട്ടുകളുമായി രണ്ടു പേർ പിടിയിൽ

ശ്രീനഗർ : ജമ്മുകശ്മീരിലെ പൂഞ്ചിൽ നിന്നും കള്ള നോട്ടുകളുമായി രണ്ടുപേർ പോലീസ് പിടിയിൽ. 2 .53 ലക്ഷം രൂപയുടെ കള്ളനോട്ടുകളാണ് പോലീസ് ഇവരിൽ നിന്ന് കണ്ടെടുത്തത്. കൂടാതെ 170 മയക്കുമരുന്നു ഗുളികകളും ഇവരിൽനിന്നു പിടികൂടി.
പോലീസിന് ലഭിച്ച രഹസ്യ വിവരത്തെ തുടർന്നു നടത്തിയ അന്വേഷണത്തിലാണ് ഇരുവരും പിടിയിലാകുന്നത്. സുറൻകോട് പോലീസ് സ്റ്റേഷനിൽ ഇവർക്കെതിരെ കേസ് രജിസ്റ്റർ ചെയ്ത് അന്വേഷണം ആരംഭിച്ചതായി അധികൃതർ അറിയിച്ചു.