മങ്കൊമ്പ്: ചമ്പക്കുളം മൂലം വള്ളംകളിയില്‍ ആയാപറമ്പ് പാണ്ടി ജേതാവ്. 40-ാമത് ചമ്പക്കുളം മൂലം വള്ളംകളിയിലാണ് ആയാപറമ്പ് പാണ്ടി ചാമ്പ്യന്മാരായത്. ചമ്പക്കുളത്താറ്റിൽ നടന്ന മത്സരത്തിലാണ് ആയാപറമ്പ് രാജപ്രമുഖൻ ട്രോഫി കരസ്ഥമാക്കിയത്. സന്തോഷ് കൈപ്പിള്ളിയുടെ നേതൃത്വത്തിൽ കുമരകം എൻസിഡിസി ബോട്ട് ക്ലബാണ് ആയാപറമ്പ് പാണ്ടി തുഴഞ്ഞത്.
വള്ളംകളിയില്‍ ചമ്പക്കുളം നടുഭാഗം ബോട്ട് ക്ലബിന്‍റെ നടുഭാഗം ചുണ്ടൻ രണ്ടാം സ്ഥാനവും ചമ്പക്കുളം ബോട്ട് ക്ലബ് തുഴഞ്ഞ ചമ്പക്കുളം ചുണ്ടൻ മൂന്നാം സ്ഥാനവും കരസ്ഥമാക്കി.
കഴിഞ്ഞ വർഷങ്ങളിലെ പോലെ തർക്കങ്ങൾക്കൊടുവിലാണ് ഇത്തവണയും ഫൈനൽ നടന്നത്. ആദ്യം സ്റ്റാർട്ടറുടെ നിർദേശമില്ലാതെ രണ്ടു വള്ളങ്ങൾ തുഴഞ്ഞെത്തിയെങ്കിലും സംഘാടകർ മത്സരം അസാധുവാക്കുകയായിരുന്നു.
ചുണ്ടൻ വള്ളങ്ങളുടെ ലൂസേഴ്സ് ഫൈനലിൽ കൈനകരി യുബിസി വാരിയേഴ്സിന്‍റെ സെൻറ് ജോർജ് ചുണ്ടൻ ഒന്നാമതെത്തി. എ ഗ്രേഡ് വെപ്പുവള്ളങ്ങളുടെ ഫൈനലിൽ രാജൻ.കെ.എബ്രഹാമിൻറെ നേതൃത്വത്തിലെത്തിയ കുമരകം ടൗണ്‍ ബോട്ട് ക്ലബിന്‍റെ മാലിയിൽ പുളിക്കത്ര ജയ്ഷോട്ട് വിജയിയായി.
Post Your Comments