തിരുവനന്തപുരം: മലയാള സിനിമയില്‍ എല്ലാ നടന്മാരുടെയും സ്വത്ത് വിവരങ്ങള്‍ പരിശോധിക്കണമെന്ന ആവശ്യവുമായി ജഗദീഷ്.അമ്മ ജനറല്‍ബോഡി മീറ്റിംഗിന് പിന്നാലെ എംഎല്‍എമാരായ മുകേഷും ഗണേശ്കുമാറും മാധ്യമങ്ങള്‍ക്ക് എതിരേ പൊട്ടിത്തെറിച്ചതിന് പിന്നാലെ ടൈംസ് ഓഫ് ഇന്ത്യ പത്രത്തിന് ജഗദീഷ് നല്‍കിയ പ്രതികരണത്തിലാണ് വ്യക്തമാക്കിയത്.മലയാള സിനിമയില്‍ പുറമേ ശാന്തമെങ്കിലും പ്രശ്നങ്ങളുൂണ്ടെന്നാണ് ജഗദീഷ് ആരോപിക്കുന്നത്.
വരുമാനത്തിലും കവിഞ്ഞ സ്വത്തുക്കളുള്ള അനേകം നടന്മാരുണ്ട്. തന്റേതുൾപ്പെടെയുള്ള സ്വത്തു വിവരങ്ങൾ പരിശോധിക്കണമെന്ന് ജഗദീഷ് ആവശ്യപ്പെട്ടു. ഹൈവേയില്‍ കാളവണ്ടിയില്‍ ഓടുന്നയാളാണ് താന്‍. സൂപ്പര്‍ഫാസ്റ്റ് ബസില്‍ സഞ്ചരിക്കുന്നവരെ തിരുത്താന്‍ തനിക്ക് താല്‍പ്പര്യമില്ല. സിനിമാ വ്യവസായത്തിലെ നിഗൂഡവിവരങ്ങളാണ് ഇപ്പോള്‍ പുറത്തുവരുന്നത്.
അമ്മയുടെ പ്രസിഡന്റായ ഇന്നസെന്റിനും ഇക്കാര്യങ്ങള്‍ പലതും അറിയാമെന്നാണ് ജഗദീഷ് പറയുന്നത്. എന്നാല്‍ അതൊന്നും ഇപ്പോള്‍ പുറത്ത് പറയാനാകില്ലെന്നും ജഗദീഷ് ടൈംസ് ഓഫ് ഇന്ത്യയോട് പറയുന്നു.ചില നടീനടന്മാരുടെ വന്‍ സ്വത്തിന് പിന്നിലെ രഹസ്യം എന്താണ്? അതെല്ലാം അഭിനയത്തിലൂടെ മാത്രം നേടിയതാണോ? എന്നതെല്ലാം അന്വേഷിക്കണമെന്നും താരം പറഞ്ഞു.
Post Your Comments