യോഗപരിശീലനം കൂടുതല്‍ മെച്ചപ്പെടുത്തണമെന്ന് ആഗ്രഹമുണ്ടോ ? എങ്കില്‍ നിങ്ങളെ സഹായിക്കാനായി പ്രത്യേക കാലുറ തയ്യാറായി കഴിഞ്ഞു.
ന്യൂയോര്‍ക്ക് ആസ്ഥാനമായി പ്രവര്‍ത്തിയ്ക്കുന്ന വെയറബിള്‍-എക്‌സ് എന്ന സ്ഥാപനമാണ് നാഡി – എക്‌സ് എന്ന സെന്‍സറുകള്‍ ഘടിപ്പിച്ച പാന്റ് തയ്യാറാക്കിയിരിയ്ക്കുന്നത്.
യോഗ ചെയ്യുമ്പോള്‍ സംഭവിയ്ക്കുന്ന തെറ്റുകള്‍ ചൂണ്ടി കാണിയ്ക്കുന്ന പ്രത്യേക സെന്‍സറുകള്‍ തുന്നി ചേര്‍ത്തതാണ് ഈ കാലുറ.
അരക്കെട്ട്, കാല്‍മുട്ട് , എന്നിവിടങ്ങളിലെ ചലനങ്ങള്‍ തിരിച്ചറിയാനുള്ള സെന്‍സറുകളാണ് പാന്റില്‍ തുന്നി ചേര്‍ത്തിട്ടുള്ളത്.
പാന്റ് ധരിച്ചയാള്‍ തെറ്റായ രീതിയില്‍ ആസനങ്ങള്‍ ചെയ്യുമ്പോള്‍ ഈ സെന്‍സറുകള്‍ പ്രത്യേക തരംഗങ്ങള്‍ പുറപ്പെടുവിയ്ക്കും.
ഒന്നരമണിക്കൂര്‍ വരെ തുടര്‍ച്ചയായി പ്രവര്‍ത്തിയ്ക്കുന്ന റീച്ചാര്‍ജ് ചെയ്ത് ഉപയോഗിയ്ക്കാവുന്ന ബാറ്ററികള്‍ ഉപയോഗിച്ചാണ് സെന്‍സറുകളുടെ പ്രവര്‍ത്തനം. 19,000 രൂപയാണ് കമ്പനി ഇതിന് വില നിഷ്ചയിച്ചിരിയ്ക്കുന്നത്.
Post Your Comments