ഇപ്പോൾ സോഷ്യൽ മീഡിയയിൽ രണ്ട് കുഞ്ഞ് സഹോദരന്‍മാരുടെ വീഡിയോ ആണ് വൈറലാകുന്നത്. കുഞ്ഞ് അനുജനെ തൊട്ടിലില്‍ നിന്ന് എങ്ങനെ പുറത്തു ചാടണമെന്ന് പിച്ചവെച്ചു നടക്കുന്ന ചേട്ടന്‍ പഠിപ്പിക്കുന്നതാണ് വീഡിയോ. ഇതിനോടകം നാലു കോടി ആളുകളാണ് ജൂണ്‍ ആറിന് പോസ്റ്റ് ചെയ്ത കുട്ടികളുടെ ഈ കുസൃതി കണ്ടത്. സിസിടിവി ക്യാമറ പകര്‍ത്തിയ കുട്ടികളുടെ ഈ കുസൃതി ഡെയ്‌ലി ബംബ്‌സ് ഫെയ്‌സ്ബുക്ക് പേജിലാണ് പോസ്റ്റ് ചെയ്തിരിക്കുന്നത്.
ആദ്യം ചേട്ടൻ ചെറിയ കസേര എടുത്ത്തൊ ട്ടിലില്‍ ഇട്ടുകൊടുക്കുന്നു. കസേര നേരെ വെച്ച് അതില്‍ ചവിട്ടി തൊട്ടിലില്‍ കയറുന്നു. തുടർന്ന് കസേര നേരെ വെച്ച് അതില്‍ ചവിട്ടി തൊട്ടിലില്‍ നിന്ന് ഇറങ്ങുന്നതെങ്ങനെയെന്ന് അനിയനെ കാണിച്ച് കൊടുക്കുന്നു. ഇത് കണ്ട് അനിയനും കസേരയില്‍ കയറി നില്‍ക്കുന്നു.
പക്ഷേ ചേട്ടന്‍ ചെയ്തപോലെ തൊട്ടിലിൽ നിന്ന് ചാടാന്‍ അനിയന് ചെറിയൊരു പേടി. ഇത് കണ്ട് ചേട്ടന്‍ അനിയന് ധൈര്യം നൽകുന്നുണ്ട്. അവസാനം തൊട്ടിലിന്റെ മുകളില്‍ നിന്നും ചേട്ടന്‍ അനിയനെ വലിച്ച് താഴെയിട്ടു. രണ്ട് പേരും ഒന്നിച്ച് താഴേവീണെങ്കിലും അതിസാഹസികമായി ചേട്ടന്‍ അനിയനെ രക്ഷപ്പെടുത്തി.
Post Your Comments