കോഴിക്കോട്: വിദ്യാര്‍ഥിനിക്ക് അശ്ലീല സന്ദേശമയച്ച അധ്യാപകന്‍ കസ്റ്റഡിയില്‍. ഈസ്റ്റ്ഹില്‍ ഗവ. ഫിസിക്കല്‍ എജ്യുക്കേഷന്‍ കോളേജിലെ അധ്യാപകനാണ് പിടിയിലായത് . ഹോസ്റ്റലില്‍ ഒരേമുറിയില്‍ താമസിക്കുന്ന രണ്ട് വിദ്യാര്‍ഥിനികളില്‍ ഒരാള്‍ക്ക് ഇയാൾ അശ്ലീല സന്ദേശം അയക്കുകയായിരുന്നു. ഇതേ മുറിയില്‍ താമസിക്കുന്ന വിവാഹിതയായ വിദ്യാര്‍ഥിനിയുടെ ഫോട്ടോയും അധ്യാപകന്‍ അയച്ച ചാറ്റിങ്ങില്‍ ഉള്‍പ്പെട്ടെന്ന പരാതിയിൽ ഇവരുടെ ഭർത്താവ് കോളേജിലേക്ക് വരികയും തുടർന്ന് വാക്കേറ്റമുണ്ടാകുകയും ചെയ്‌തു.
ഇതേസമയം അധ്യാപകന്‍ അശ്ലീലസന്ദേശവും ഫോട്ടോയും അയച്ച വിദ്യാര്‍ഥിനി കൈഞരമ്പ് മുറിച്ച് ആത്മഹത്യയ്ക്ക് ശ്രമിച്ചു. തുടർന്ന് പെൺകുട്ടിയെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പിന്നീട് വിവാഹിതയായ വിദ്യാര്‍ഥിനിയുടെ ഭര്‍ത്താവ് നടക്കാവ് പോലീസില്‍ പരാതി നൽകുകയായിരുന്നു.
Post Your Comments