ചെന്നൈ: പ്ലസ് വൺ വിദ്യാർത്ഥിനി പ്രസവിച്ച നവജാതശിശുവിന്റെ മൃതദേഹം വീടിന്റെ മേല്‍ക്കൂരയില്‍ കണ്ടെത്തി. ചെന്നൈ തൊണ്ടിയാര്‍പേട്ടിലാണ് സംഭവം. വീടിന്റെ മേല്‍ക്കൂരയില്‍ നിന്നും ദുര്‍ഗന്ധം വമിച്ചതിനെ തുടര്‍ന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്. മൃതദേഹം പോസ്റ്റ്‌മോര്‍ട്ടത്തിനായി ആശുപത്രിയിലേക്ക് മാറ്റി.
തുടർന്ന് നടത്തിയ അന്വേഷണത്തിലാണ് പെൺകുട്ടി ഗർഭിണിയായിരുന്നെന്നും പ്രസവശേഷം കുഞ്ഞിനെ കൊലപ്പെടുത്തി മേൽക്കൂരയിൽ ഉപേക്ഷിക്കുകയായിരുന്നുവെന്നും കണ്ടെത്തിയത്. രവി എന്ന ലോറി ഡ്രൈവറുമായി പെണ്‍കുട്ടിക്ക് ബന്ധമുണ്ടായിരുന്നു. ഇയാളുമായുള്ള ബന്ധത്തിലാണ് പെണ്‍കുട്ടി ഗര്‍ഭിണിയായതെന്നാണ് വിവരം. പോലീസ് കേസെടുത്തിട്ടുണ്ട്.
Post Your Comments