തിരുവനന്തപുരം : ഫേസ്ബുക്കിലെ അശ്ലീല പേജുകൾ പൂട്ടിച്ച് കേരള സൈബർ വാരിയേഴ്സ്. ഫേസ്ബുക്കിലെ 150 അശ്ലീല ഗ്രൂപ്പുകളും 50 പേജുകളും മുന്നൂറിലധികം വ്യാജ അശ്ലീല പ്രൊഫൈലുകളും സൈബര്‍ വാരിയേഴ്‌സിന്റെ ബ്ലൂ ആര്‍മി പൂട്ടിച്ചു. ഇത് മുന്നറിയിപ്പാണെന്നും ഇത്തരം അശ്ലീല ഗ്രൂപ്പുകളും പേജുകളും പ്രൊഫൈലുകളും ഇനിയും വേട്ടയാടുകയും സമൂഹത്തിന് മുന്നില്‍ തുറന്നുകാട്ടുമെന്നും കേരള സൈബര്‍ വാരിയേഴ്സ് വ്യക്തമാക്കി.
പതിനാറും പതിനേഴും വയസ്സുള്ളവർ മുതൽ സമൂഹത്തിലെ ഉന്നതർ വരെ ഇത്തരം ഗ്രൂപ്പുകളിലും പേജുകളിലും അംഗങ്ങളാണെന്നും ഫേസ്ബുക്കില്‍ നിന്ന് പെണ്‍കുട്ടികളുടെ പ്രൊഫൈലില്‍ നിന്ന് ചിത്രങ്ങൾ എടുത്ത് ഗ്രൂപ്പുകളിൽ മോർഫ് ചെയ്‌ത്‌ പോസ്റ്റ് ചെയ്യാറുണ്ടെന്നും സൈബർ വാരിയേഴ്സ് അറിയിച്ചു. സ്വന്തം അമ്മമാരുടെയും കൂടപ്പിറപ്പുകളുടെയും ഫോട്ടോകൾ വരെ ചിലർ ഇത്തരത്തിൽ പോസ്റ്റ് ചെയ്യാറുണ്ടെന്നും അറപ്പുളവാക്കുന്ന രീതിയില്‍ വരെ കുടുംബാംഗങ്ങളെ പറ്റി ഇവർ കഥകൾ പ്രചരിപ്പിക്കാറുണ്ടെന്നും സൈബർ വാരിയേഴ്സ് കൂട്ടിച്ചേർത്തു.
Post Your Comments