പറ്റ്ന : ബീഹാറില്‍ കനത്തമഴയെ തുടര്‍ന്നുണ്ടായ ഇടിമിന്നലേറ്റ് 20 പേര്‍ മരിച്ചു. സംസ്ഥാനത്ത് ഞായറായ്ചയുണ്ടായ കനത്ത മഴയിലും കാറ്റിലും ഇടിമിന്നലിലും ഇതുവരെ 20 പേര്‍ മരിച്ചുണ്ടെന്ന് സംസ്ഥാന ദുരന്ത നിവാരണ അതോറിറ്റിയും സ്ഥിരീകരിച്ചിട്ടുണ്ട്. 8 ജില്ലകളിലായാണ് ഇത്രയും പേര്‍ മരിച്ചത്.
സംസ്ഥാനത്തിന്റെ വിവിധ ഭാഗങ്ങളിലായുണ്ടായ വ്യത്യസ്ത അപകടങ്ങളിലാണ് സ്ത്രീകളും കുട്ടികളുമടക്കം മരിച്ചത്. മരിച്ചവരുടെ കുടുംബങ്ങള്‍ക്ക് സംസ്ഥാന സര്‍ക്കാര്‍ നാലു ലക്ഷം രൂപ നഷ്ടപരിഹാരം പ്രഖ്യാപിച്ചിട്ടുണ്ട്.
കനത്ത മഴയിലും കാറ്റിലും വന്‍ നാശനഷ്ടങ്ങളാണുണ്ടായിരിക്കുന്നത്. ഹെക്ടര്‍ക്കണക്കിന് ക‍ൃഷിയും നശിച്ചിട്ടുണ്ട്. കാറ്റിലും മഴയിലുമുണ്ടായ നഷ്ടങ്ങളുടെ കണക്കുകള്‍ തിട്ടപ്പെടുത്തി വരികയാണെന്നും സര്‍ക്കാര്‍ അധികൃതര്‍ അറിയിച്ചു.
Post Your Comments