പാമ്പാടി : ജ്യൂസ് കുപ്പികളില്‍ വ്യാജമദ്യം നിറച്ചുവിറ്റയാള്‍ പിടിയില്‍. അയര്‍ക്കുന്നം കൂട്ടുമ്മേല്‍ താഴെ പി ജി പ്രസാദ് മണി (56)ആണ് അറസ്റ്റിലായത്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു. എകസൈസ് ഇന്‍സ്പെക്ടര്‍ കെ സി സുരേഷ്, അസിസ്റ്റന്റ് ഇന്‍സ്പെക്ടര്‍ പി വൈ ചെറിയാന്‍, പ്രിവന്റീവ് ഓഫീസര്‍ ബിജു ജേക്കബ്, സിവില്‍ എക്സൈസ് ഓഫീസര്‍മാരായ കെ എന്‍ വിനോദ്, വികാസ്, അഭിലാഷ്, അരുണ്‍, റോഷി വര്‍ഗീസ് എന്നിവരുടെ നേതൃത്വത്തിലായിരുന്നു റെയ്ഡ് നടത്തിയത്. ഇയാളെ അയര്‍ക്കുന്നം ബസ് സ്റ്റാന്‍ഡ് പരിസരത്തു നിന്നുമാണ് എക്സൈസ് സംഘം പിടികൂടിയത്.
പുലര്‍ച്ചെ അഞ്ച് മണി മുതല്‍ വ്യാജമദ്യം വില്‍പന നടത്തിയിരുന്നതായി ചോദ്യം ചെയ്യലില്‍ ഇയാള്‍ സമ്മതിച്ചു. എട്ട് ചെറിയ കുപ്പികളിലും ഒരു വലിയ കുപ്പിയിലുമായി 2.400 ലിറ്റര്‍ മദ്യവും ഇയാളില്‍ നിന്നും പിടിച്ചെടുത്തു. 175 മില്ലി ലിറ്ററിന്റെ ചെറിയ കുപ്പിയില്‍ നിറച്ച മദ്യത്തിന് 100 രൂപ നിരക്കിലായിരുന്നു ഇയാള്‍ വിറ്റിരുന്നത്.
Post Your Comments