നരേന്ദ്രമോദി രാഷ്ട്രത്തിന് വേണ്ടി സ്വയം സമർപ്പിച്ച ഋഷി; ബാബ രാം ദേവ്

ഉത്തരാഖണ്ഡ്: ഹരിദ്വാറില്‍ രാംദേവിന്റെ പതഞ്ജലിയുടെ റിസര്‍ച്ച് സെന്റര്‍ ഉദ്ഘാടനം ചെയ്യാനെത്തുന്നുവെന്ന പരസ്യത്തിൽ നരേന്ദ്രമോദിയെ ‘രാഷ്ട്ര ഋഷി’യെന്ന് വിശേഷിപ്പിച്ച് യോഗ ഗുരു ബാബാ രാംദേവ്. രാജ്യത്തിന്റെ അഭിമാനമായ, രാജ്യത്തെ 125 കോടി ജനങ്ങള്‍ തിളക്കമാര്‍ന്ന ഭാവി പ്രതീക്ഷിക്കുന്ന ദൈവം രാജ്യത്തിന് നല്‍കിയ വരദാനവുമായ രാഷ്ട്ര ഋഷി ശ്രീ നരേന്ദ്രമോദിജി പതഞ്ജലി റിസര്‍ച്ച് ഇന്‍സ്റ്റിറ്റ്യൂട്ട് ഉദ്ഘാടനം ചെയ്യും എന്നാണ് പരസ്യം. ആയുര്‍വേദരംഗത്ത് യോഗ, വേദശാസ്ത്രം എന്നിവയില്‍ ഊന്നിക്കൊണ്ട് ഗവേഷണം പ്രോത്സാഹിപ്പിക്കാനാണ് പതഞ്ജലി റിസര്‍ച്ച് ഇന്‍സ്റ്റിറ്റ്യൂട്ട് ആരംഭിച്ചത്.