ക്രിക്കറ്റ് ദൈവം സച്ചിന്‍ ടെണ്ടുല്‍ക്കറുടെ പേരില്‍ സ്മാര്‍ട്ട്‌ഫോണ്‍ വരുന്നു

ക്രിക്കറ്റ് ദൈവം സച്ചിന്‍ ടെണ്ടുല്‍ക്കറുടെ പേരില്‍ സ്മാര്‍ട്ട്‌ഫോണ്‍ വരുന്നു സച്ചിന്‍ രമേശ് ടെണ്ടുല്‍ക്കര്‍ എന്നതിന്റെ ചുരുക്കമായ എസ്ആര്‍ടി.ഫോണ്‍ (srt.phone) എന്ന പേരിലുള്ള ഫോൺ സ്മാര്‍ട്ടോണ്‍ (Smarton) എന്ന ഇന്ത്യന്‍ കമ്പനിയാണ് ഇറക്കുന്നത്. മെയ് മൂന്നിന് ന്യൂഡല്‍ഹിയില്‍ നടക്കുന്ന ചടങ്ങില്‍ സച്ചിന്‍ തന്നെയാകും ഫോൺ അവതരിപ്പിക്കുക എന്നാണ് സൂചന. സച്ചിനും സഹഉടമയായ സ്ഥാപനമാണ് സ്മാര്‍ട്ടോണ്‍.

ആന്‍ഡ്രോയ്ഡ് ന്യൂഗട്ടില്‍ പ്രവര്‍ത്തിക്കുന്ന മധ്യനിര ഫോണാകും എസ്ആര്‍ടി എന്നാണ് റിപ്പോർട്ട്. സ്മാര്‍ട്ടോണിന്റെ രണ്ടാമത്തെ ഫോണാകും എസ്ആര്‍ടി. ഫോണിന്റെ സവിശേഷതകള്‍ സംബന്ധിച്ച വിവരങ്ങളൊന്നും പുറത്തുവന്നിട്ടില്ല.