ദുബായില്‍ മൂന്നു ദശലക്ഷംരൂപയുടെ വ്യാജ ഉത്പന്നങ്ങള്‍ പിടികൂടി

പ്രമുഖ കമ്പനികളുടെ വ്യാജ ഉത്പന്നങ്ങള്‍ ദുബായില്‍ പിടികൂടി. 30ലധികം പ്രമുഖ ബ്രാന്‍ഡുകളുടെ വ്യാജ ഉത്പന്നങ്ങളാണ് പിടികൂടിയത്. മൂന്നു ദശലക്ഷം രൂപ വിലമതിക്കുന്ന ഉത്പന്നങ്ങളുണ്ട്. നാല് ഗോഡൗണുകളില്‍ നടന്ന റെയ്ഡിലാണ് ഇത്രയും ഉത്പന്നങ്ങള്‍ കണ്ടെത്തിയത്.

ലേഡീസ് ഹാന്റ്ബാഗ്, മൊബൈല്‍ ഫോണുകള്‍, വസ്ത്രങ്ങള്‍, ചെരുപ്പുകള്‍, പ്രിന്റര്‍, സുഗന്ധദ്രവ്യങ്ങള്‍, വാച്ചുകള്‍, കോണ്‍ടാക്റ്റ് ലെന്‍സുകള്‍ എന്നിവയാണ് പിടിച്ചെടുത്തത്. 928,000 വ്യാജ ഫോണുകളും, 700,000 ബ്രാന്റഡ് സുഗന്ധദ്രവ്യങ്ങളും, 252,000 വ്യാജ സുഗന്ധദ്രവ്യങ്ങളും ഉള്‍പ്പെട്ടിരുന്നു. യഥാര്‍ത്ഥ ഉത്പന്നങ്ങളുടെ തനി പകര്‍പ്പാണ് വ്യാജ ഉത്പന്നങ്ങള്‍.

യഥാര്‍ത്ഥ ഉത്പന്നങ്ങള്‍ സൂക്ഷിച്ച അതേ രീതിയിലുള്ള പേപ്പറും മറ്റ് പ്ലാസ്റ്റിക് വസ്തുക്കളുമാണ് വ്യാജ ഉത്പന്നങ്ങളിലും ഉപയോഗിച്ചിരുന്നതെന്ന് അധികൃതര്‍ പറയുന്നു.