നിയമസഭയിൽ വനിതാ എംഎൽഎ പൊട്ടിക്കരഞ്ഞു

അഹമ്മദാബാദ്: നിയമസഭയിൽ ചോദ്യോത്തരവേളയിൽ എഴുന്നേറ്റപ്പോൾ സ്പീക്കർ ശാസിച്ചിരുത്തിയതിനെ തുടർന്ന് പ്രതിപക്ഷ വനിതാ എംഎൽഎ പൊട്ടിക്കരഞ്ഞു. ഒടുവിൽ കരച്ചിൽ നിർത്താൻ സ്പീക്കർക്കു മാപ്പു പറയേണ്ടിവന്നു.

മുനിസിപ്പാലിറ്റികൾക്കുള്ള ഗ്രാന്റ് സംബന്ധിച്ചു ബിജെപി എംഎൽഎ ജഗ്‌രൂപ് സിങ് രാജ്പുട്ടിന്റെ ചോദ്യത്തിനിടയിൽ ഉപചോദ്യവുമായി എഴുന്നേറ്റ കോൺഗ്രസ് എംഎൽഎ തേജശ്രീബെൻ പട്ടേലിനെയാണ് സ്‌പീക്കർ രമൺലാൽ വോറ ശാസിച്ചിരുത്തിയത്. അതിസാമർഥ്യം കാണിക്കേണ്ടെന്നു താക്കീതും നൽകി. പിന്നീട് ഇവർ പൊട്ടിക്കരയുകയായിരുന്നു.