ന്യൂഡല്‍ഹി : രാജ്യം ഇന്ന് ഹോളി ആഘോഷിക്കുമ്പോള്‍, അതില്‍ പങ്കുചേര്‍ന്ന് ഗൂഗിള്‍ ഡൂഡിലും. നിറങ്ങള്‍ വിതറുന്ന ഡൂഡിലുമായാണ് ഗൂഗിള്‍ ആഘോഷങ്ങളില്‍ പങ്കു ചേരുന്നത്. ഒരു കൂട്ടം ആള്‍ക്കാര്‍ നിറങ്ങള്‍ വിതറി ഓടുന്നതും ഗൂഗിള്‍ എന്ന് എഴുതി വരുന്നതാണ് ആനിമേഷനില്‍ ഇത്തവണ ഡൂഡില്‍ അവതരിപ്പിച്ചിരിക്കുന്നത്.
ഉത്തരേന്ത്യയിലെ പ്രധാന ആഘോഷമാണ് ഹോളി. വസന്തത്തിന്റെ വരവറിയിച്ചെത്തുന്ന ഹോളിയില്‍ വര്‍ണപൊടികളും നിറക്കൂട്ടുകളും പരസ്പരം വാരിയെറിഞ്ഞാണ് ആഘോഷം. ഉത്തരേന്ത്യയിലാണ് പ്രധാന ഹോളി ആഘോഷങ്ങളെങ്കിലും ദക്ഷിണേന്ത്യയിലും ഹോളി ഇപ്പോള്‍ വിപുലമായി തന്നെ ആഘോഷിക്കുന്നുണ്ട്. ഹോളിയുടെ പ്രധാന ആചാരം ഹോളികയെ കത്തിച്ച് ചാമ്പലാക്കുകയാണ്.
Post Your Comments