“സുധീരനും കുമ്മനവും മച്ചമ്പിമാർ” വി . എസ് . അച്യുതാനന്ദന്റെ പരിഹാസം – കോൺഗ്രസുകാർ താമസിയാതെ കാവി ധരിക്കും

തിരുവനന്തപുരം: വി എം സുധീരനും കുമ്മനം രാജശേഖരനും മച്ചമ്പിമാരെ പോലെയാണെന്ന് പരിഹാസവുമായി വി എസ് അച്യുതാനന്ദൻ.ഗവർണ്ണറുടെ നന്ദിപ്രമേയത്തിനുള്ള മറുപടി പ്രസംഗത്തിലായിരുന്നു വി എസിന്റെ പരിഹാസം.സുധീരൻ എന്തുപറഞ്ഞാലും കുമ്മനം പിന്തുണയ്ക്കുന്നു, കുമ്മനം പറയുന്നതിന് സുധീരൻ മേലൊപ്പു ചാര്‍ത്തുകയും ചെയ്യും.ഇരുട്ടു വീണാല്‍ പല കോണ്‍ഗ്രസ് നേതാക്കളുടേയും കുപ്പായം കാവിയാകുമെന്നും താമസിയാതെ കോൺഗ്രസുകാർ കാവി ധരിക്കുമെന്നും വി.എസ് പരിഹസിച്ചു. ഇഷ്ടമില്ലാത്തവരെ ബിജെപി ആക്കിക്കളയുന്നതാണ് സിപിഎം രീതി എന്ന് ഇതിന്റെ മറുപടിയായി സുധീരൻ പറഞ്ഞു.