മുംബൈ: വിമാനത്തില്‍ വച്ച് യാത്രക്കാരന്‍ ഉപദ്രവിച്ചെന്ന പരാതിയുമായി രണ്ട് എയര്‍ഹോസ്റ്റസുമാര്‍. ജെറ്റ് എര്‍വേയ്‌സിലെ ജീവനക്കാരാണ് പരാതി നല്‍കിയത്. മുംബൈയില്‍ നിന്ന് നാഗ്്പൂരിലേക്ക് പോയ വിമാനത്തിലെ 41 ഇ സീറ്റ് നമ്പരില്‍ യാത്രചെയ്തിരുന്നയാള്‍ പീഡിപ്പിക്കാന്‍ ശ്രമിച്ചെന്നാണ് പരാതി.
പരാതിയുടെ അടിസ്ഥാനത്തില്‍ മധ്യപ്രദേശിലെ ബലാഗട്ട് സ്വദേശിയായ ഗുപ്തയെ പോലീസ് പിടികൂടി. 23 വയസുകാരനാണ് ഇയാള്‍. മദ്യലഹരിയിലായിരുന്നു യാത്രക്കാരെനെന്നാണ്. എയര്‍ ഹോസ്റ്റസുമാരുടെ പരാതി, വിമാനത്തിന്റെ ക്യാപ്റ്റന്‍ സിഐഎസ്എഫ് സംഘത്തിന് കൈമാറിയതിനെ തുടര്‍ന്ന് നടത്തിയ അന്വേഷണത്തിലാണ് ഗുപ്ത കുടുങ്ങിയത്.
ഗോവയില്‍ അവധിയാഘോഷത്തിന് പോയ ഗുപ്ത മുംബൈ വഴി മടങ്ങുകയായിരുന്നു. മദ്യലഹരിയിലായിരുന്ന ഗുപ്ത ഭക്ഷണം നല്‍കുന്നതിനിടെ എയര്‍ഹോസ്റ്റസുമാരോട് മോശമായി പെരുമാറിയെന്നാണ് കേസ്.
Post Your Comments