കോയമ്പത്തൂര്‍ : കൊച്ചിയില്‍ നടിയെ ആക്രമിച്ച കേസില്‍ ഒരാള്‍ കൂടി പിടിയിലായി. കേസിലെ മുഖ്യപ്രതി വിജീഷിന്റെ സുഹൃത്ത് ചാര്‍ലിയെ ആണ് പൊലീസ് അറസ്റ്റ് ചെയ്തത്. നടിയെ ആക്രമിച്ചതിന് ശേഷം കേസിലെ പ്രധാനപ്രതികളായ സുനില്‍ കുമാറും വിജീഷും ഒളിവില്‍ താമസിച്ചത് ചാര്‍ലിയുടെ മുറിയിലായിരുന്നു. പ്രതികള്‍ തന്റോടൊപ്പം ഉണ്ടായിരുന്നത് രണ്ടു ദിവസമാണെന്നും എന്നാല്‍ നടിയെ ആക്രമിച്ചത് ഇവരാണെന്ന് അറിയില്ലായിരുന്നെന്നും ചാര്‍ലി അറസ്റ്റ് ചെയ്യുന്നതിന് മുമ്പ് ഒരു മാദ്ധ്യമത്തോട് പറഞ്ഞു. ഒരു കാര്യം പറയാനുണ്ടെന്ന് ഇവര്‍ പറഞ്ഞിരുന്നെങ്കിലും അതിന് മുമ്പേ അവര്‍ രക്ഷപ്പെട്ടിരുന്നു. തന്റെ സുഹൃത്തിന്റെ ബൈക്ക് മോഷ്ടിച്ചാണ് പ്രതികള്‍ കടന്ന് കളഞ്ഞതെന്നും ചാര്‍ലി പറഞ്ഞു.
Post Your Comments