അവര്‍ക്ക് എന്തുസംഭവിച്ചു? വാഗമണ്‍ ആത്മഹത്യാ മുനമ്പില്‍ കാണാതായ യുവാക്കളെചൊല്ലി ദുരൂഹത

പീരുമേട് : വാഗമണ്‍ ആത്മഹത്യാ മുനമ്പില്‍ കാണാതായ രണ്ട് യുവാക്കളെചൊല്ലി ദുരൂഹത വർധിക്കുന്നു. കാണാതായ യുവാക്കൾ ആത്മഹത്യാ മുനമ്പിൽനിന്നു കൊക്കയിൽ വീണതായിയാണ് അഭ്യൂഹം. തൃപ്പൂണിത്തുറ തിരുവാങ്കുളം സ്വദേശികളാണ് അപകടത്തിൽപെട്ടതെന്ന് പറയപ്പെടുന്നു.

ആത്മഹത്യ മുനമ്പിനു സമീപത്തുനിന്ന് ഹെൽമറ്റും രണ്ടു ജോഡി ചെരുപ്പുകളും കണ്ടെടുത്തു. ഇന്നലെ വൈകിട്ടു മൂന്നോടെയാണു യുവാക്കൾ ഇവിടെ എത്തിയതെന്നാണ് പ്രാഥമിക അന്വേഷണത്തിൽ നിന്ന് മനസിലാക്കുന്നത്. ഇവർ ഉപയോഗിച്ചതായി കരുതുന്ന ബൈക്ക് വൈകിട്ട് ആറുമണിക്കുശേഷവും വിജനമായ സ്ഥലത്തു കണ്ടതിനെ തുടർന്നു സംശയം തോന്നിയ സ്ഥലത്തെ സുരക്ഷാ ജീവനക്കാരൻ വാഗമൺ പോലീസിനെ അറിയിച്ചു. പോലീസ് നടത്തിയ പരിശോധനയിലാണ് ഹെൽമറ്റും രണ്ട് ജോഡി ചെരുപ്പുകളും കൊക്കയിൽനിന്നു കണ്ടെടുത്തത്. അഗ്‌നിശമന സേനയും സ്ഥലത്തെത്തിയിട്ടുണ്ട്.