റിയാദ്: എട്ട് ലക്ഷത്തിലേറെ മയക്കുമരുന്ന് ഗുളികകള്‍ പിടികൂടി. 835900 മയക്കുമരുന്ന് ഗുളികകളാണ് ടൈല്‍സ് ഒട്ടിക്കാനുള്ള ദ്രവക്കൂട്ടിന്‍െറ ചാക്കുകളില്‍ ഒളിച്ചുകടത്താന്‍ ശ്രമിക്കവേ പിടികൂടിയത്. ഗുളികകൾ ട്രെയിലറില്‍ കൊണ്ടുവന്ന ചാക്കുകളിലാണ് ഒളിപ്പിച്ചിരുന്നത്.
രാജ്യത്തിനകത്ത് വിതരണം ചെയ്യാൻ വേണ്ടി വിദേശത്തുനിന്നത്തെിയ മയക്കുമരുന്നായിരുന്നു ഇത്. സൗദി നര്‍കോട്ടിക് വിഭാഗത്തിനു കിട്ടിയ വിവരത്തിന്റെ അടിസ്ഥാനത്തിലാണ് വഴിയില്‍ തടഞ്ഞ് പിടികൂടിയത്. സിറിയക്കാരനായ ട്രെയിലര്‍ ഡ്രൈവറെ കസ്റ്റഡിയിലെടുത്തു. സമീപകാലത്തെ ഏറ്റവും വലിയ മയക്കുമരുന്ന് കടത്താണ് തടയാന്‍ കഴിഞ്ഞതെന്ന് നര്‍കോട്ടിക് വിഭാഗം ഡയറക്ടര്‍ ജനറല്‍ കേണല്‍ അബ്ദുല്‍ അസീസ് അറിയിച്ചു.
Post Your Comments