മനുഷ്യന് പറക്കാനായി കൊന്നൊടുക്കിയത് 70,000ത്തിലധികം പക്ഷികളെ

ന്യൂയോര്‍ക്ക്: വിമാനങ്ങള്‍ സുഖമമായി പറക്കാന്‍ പക്ഷികളെ കൊന്നൊടുക്കി. ഞെട്ടിപ്പിക്കുന്ന സംഭവം നടന്നത് ന്യൂയോര്‍ക്കിലാണ്. 70,000-ത്തിലധികം പക്ഷികളെയാണ് കൊന്നുതള്ളിയത്. തോക്ക് ഉപയോഗിച്ചോ കെണി വെച്ച് പിടിച്ചോ ആണ് ഈ ആവശ്യത്തിനായി പക്ഷികളെ വ്യാപകമായി കൊല്ലുന്നത്.

മൂന്ന് വിമാനത്താവളങ്ങളില്‍ മാത്രമായി കൊന്നൊടുക്കിയ പക്ഷികളുടെ എണ്ണമാണ് 70,000-ത്തിനു മേല്‍ ഉള്ളത്. പക്ഷികള്‍ വിമാനത്തില്‍ ഇടിച്ച് നിരവധി അപകടങ്ങള്‍ ഉണ്ടായിട്ടുണ്ട്. ഇതേത്തുടര്‍ന്നാണ് തടസം മാറ്റിയത്. എന്നാല്‍ ഈ ക്രൂരമായ നടപടി കൊണ്ട് അപകടങ്ങളുടെ എണ്ണം കുറയ്ക്കാന്‍ അധികൃതര്‍ക്ക് സാധിച്ചിട്ടില്ലെന്ന് കണക്കുകള്‍ വ്യക്തമാക്കുന്നു.

ലാ ഗാര്‍ഡിയ, നെവാര്‍ക്ക് എന്നീ വിമാനത്താവളങ്ങളിലെ കണക്കുകള്‍ മാത്രമാണ് ഇത്. പക്ഷികളെ കൊന്നൊടുക്കുന്നതിന് പകരം വ്യക്തമായ സംവിധാനം കൊണ്ടു വരണമെന്ന് പരിസ്ഥിതി പ്രവര്‍ത്തകര്‍ ശക്തമായി വാദിക്കുന്നുണ്ട്.