നമ്മുടെ രാജ്യത്തിൻറെ സംസ്ക്കാരവും പാരമ്പര്യവും ലോകത്തിന് തന്നെ മാതൃക- പ്രധാനമന്ത്രി

ന്യൂഡൽഹി: നമ്മുടെ രാജ്യത്തിൻറെ സംസ്ക്കാരവും പാരമ്പര്യവും ലോകത്തിന് തന്നെ മാതൃകയാണെന്നും അതിൽ നാം അഭിമാനിക്കണമെന്നും പ്രാധാനമന്ത്രി നരേന്ദ്ര മോദി.കച്ചിൽ ചേർന്ന വീഡിയോ കോണ്‍ഫറന്‍സ് മുഖേനെ സംസാരിക്കുകയായിരുന്നു അദ്ദേഹം.വിനോദം കായികം സാംസ്കാരികം എന്നീ വകുപ്പുതല സെക്രട്ടറിമാരുമായിട്ടായിരുന്നു വീഡിയോ കോൺഫറൻസ്.

നമ്മുടെ വ്യത്യസ്തമായ കലയും പാരമ്പര്യവുമെല്ലാം ലോകത്തിനു പകർന്നു നൽകണമെന്നും യുവതലമുറ വേണം നാളെ നമ്മുടെ രാജ്യത്തെ നയിക്കേണ്ടതെന്നും അദ്ദേഹം പറഞ്ഞു.കായിക രംഗത്ത് വളർച്ച നേടാൻ അനുയോജ്യമായ സാഹചര്യമൊരുക്കിയെടുക്കണമെന്നും അദ്ദേഹം പറഞ്ഞു.കായികമേഖലയിലെ കുരുന്നുപ്രതിഭകളെ ജില്ലാ തലത്തില്‍ത്തന്നെ കണ്ടെത്തി വളര്‍ത്തിയെടുക്കാന്‍ നടപടി വേണമെന്നും മോദി അഭിപ്രായപ്പെട്ടു.