നിരത്ത് ക്യാച്ച് ചെയാൻ ക്യാ​പ്ച്ച​ര്‍ എത്തുന്നു

നിരത്ത് ക്യാച്ച് ചെയാൻ റെനോൾട്ടിന്റെ ക്യാ​പ്ച്ച​ര്‍ എത്തുന്നു. ഈ വർഷം തന്നെ വിപണി പിടിക്കാൻ എത്തുന്ന ക്യാപ്ച്ചറിന്റെ പരീക്ഷണ ഓട്ടം കഴിഞ്ഞതായാണ് സൂചന. യൂ​റോ​പ്പി​ലും മി​ഡി​ല്‍ ഈ​സ്റ്റ് വി​പ​ണി​യി​ലും വി​ല്‍ക്ക​പ്പെ​ടു​ന്ന മോഡൽ ആയിരിക്കില്ല ഇന്ത്യൻ വിപണിയിൽ എത്തുക. റോഡുകളിൽ തിളങ്ങിയ ഡ​സ്റ്റ​റി​നെ അ​ടി​സ്ഥാ​ന​പ്പെ​ടു​ത്തി​യാ​യി​രി​ക്കും ക്യാപ്ച്ചർ ഇന്ത്യയിൽ നിർമിക്കുക.

റെനോ​യു​ടെ ചെ​ന്നൈ​യി​ലു​ള്ള പ്ലാ​ന്‍റി​ല്‍ പൂ​ര്‍ണ​മാ​യും ഇ​ന്ത്യ​ന്‍ നി​ര്‍മി​ത വ​സ്തു​ക്ക​ള്‍ ഉ​പ​യോ​ഗി​ച്ചു ത​ന്നെ​യാ​യി​രി​ക്കും നി​ര്‍മാ​ണം. എന്നാൽ എൻജിൻ സംബന്ധിച്ച വിവരങ്ങൾ പുറത്തു വിട്ടിട്ടില്ല. ബ്ര​സീ​ലി​ല്‍ പു​റ​ത്തി​റ​ക്കി​യ വ​ണ്ടി​യു​ടെ അ​തേ രീ​തി​യി​ലാ​വും ഇ​ന്ത്യ​ന്‍ മോ​ഡ​ലും എ​ന്ന വി​ശ്വാ​സ​ത്തി​ലാ​ണ് ഓ​ട്ടോ​മൊ​ബൈ​ല്‍ മേ​ഖ​ലയിലെ വിദഗ്ദ്ധർ. അങ്ങനെയാണെങ്കിൽ 1.6ലി​റ്റ​ര്‍ പെ​ട്രോ​ള്‍, 1.5ലി​റ്റ​ര്‍ ഡീ​സ​ല്‍ എ​ന്‍ജി​നു​ക​ളാ​യി​രി​ക്കും ക്യാപ്ച്ചറിന് കരുത്തു നൽകുക. അതോടപ്പം വിപണിയിൽ മികച്ച മുന്നേറ്റം നടത്താൻ ഓ​ട്ടോ​മാ​റ്റി​ക് ഗി​യ​ര്‍ബോ​ക്സും ഓ​ള്‍വീ​ല്‍ ഡ്രൈ​വും ഉ​ള്‍പ്പെ​ടു​ത്തു​മെ​ന്നാ​ണ് കമ്പനി നല്‍കുന്ന സൂ​ച​ന.