ന്യൂഡൽഹി: ട്രെയിന്‍ ടിക്കറ്റിന്റെ നിരക്കില്‍ വിമാന ടിക്കറ്റുകളുമായി എയര്‍ ഇന്ത്യ. വരുന്ന മൂന്ന് മാസത്തേക്ക് തെരഞ്ഞെടുത്ത ആഭ്യന്തര റൂട്ടുകളിലാണ് നിരക്കിളവ് ലഭിക്കുക. നാളെ മുതല്‍ ടിക്കറ്റ് വില്‍പന ആരംഭിക്കും. ജനുവരി 26 മുതല്‍ യാത്ര ചെയ്യാനുള്ള ടിക്കറ്റുകള്‍ ഇങ്ങനെ ബുക്ക് ചെയ്യാവുന്നതാണ്. യാത്രാ തീയതിക്ക് 20 ദിവസം മുമ്പ് ടിക്കറ്റ് ബുക്ക് ചെയ്താൽ മാത്രമേ ഓഫർ ലഭ്യമാകൂ.
രാജധാനി എക്സ്പ്രസ് സര്‍വ്വീസ് നടത്തുന്ന എല്ലാ പ്രദേശങ്ങളിലേക്കും ഈ ബജറ്റ് സര്‍വ്വീസുകളും ഉണ്ടാകുമെന്നാണ് എയര്‍ ഇന്ത്യ അറിയിച്ചിരിക്കുന്നത്. രാജധാനി എക്സ്പ്രസില്‍ 2595 രൂപയാണ് മുംബൈയിൽ നിന്ന് ഡൽഹിലേക്കുള്ള ടിക്കറ്റ് നിരക്ക്. എന്നാല്‍ ഓഫര്‍ പ്രാബല്യത്തില്‍ വരുന്നതോടെ എയര്‍ ഇന്ത്യ വിമാന ടിക്കറ്റ് 2401 രൂപയ്ക്ക് ലഭിക്കും.
Post Your Comments