ന്യൂ ഡൽഹി : ലെനോവോ പുതുതായി പുറത്തിറക്കിയ കെ6 പവറിന് ഇന്ത്യയിൽ തകർപ്പൻ വിൽപ്പന. കഴിഞ്ഞ ദിവസം ആരംഭിച്ച വിൽപ്പന തുടങ്ങി 15 മിനിറ്റുകൾക്കുള്ളിൽ 35,000 ഹാൻഡ്സെറ്റുകളാണ് വിറ്റുപോയത്. മികച്ച ഓഫറുകളോടെയാണ് ഫ്ലിപ്പ്കാര്‍ട്ടു വഴിയുള്ള ഫോണിന്റെ വിൽപ്പന ആരംഭിച്ചത്.
നിങ്ങളുടെ പഴയ ഫോൺ ലെനോവ കെ6 പവറിന്‍റെ കൂടെ എക്സേഞ്ച് ചെയ്താൽ 9,999രൂപയുടെ ഫോൺ 8000 രൂപയ്ക്ക് ഫ്ലിപ്പ്കാര്‍ട്ട് നല്‍കും. കൂടാതെ കെ6 പവര്‍ വാങ്ങുന്ന 10,000 പേര്‍ക്ക് ഗിഫ്റ്റ് വൗച്ചറുകളും ഉൾപ്പെടുത്തിയിട്ടുണ്ട്.
കഴിഞ്ഞ ആഴ്ച്ചയാണ് കെ 6 പവറിനെ ഇന്ത്യയിൽ അവതരിപ്പിച്ചത്. ഇരട്ട സിം സപ്പോര്‍ട്ടുള്ള ഫോണിന് ആന്‍ഡ്രോയ്ഡ് മാഷ്മെലോയാണ് ഓപ്പറേറ്റിംഗ് സിസ്റ്റം. 4000 എംഎഎച്ച് ബാറ്ററി ശേഷിയുള്ള ഫോണിൽ ഡോള്‍ബി അറ്റ്‌മോസ് ഓഡിയോ എന്‍ഹാന്‍സ്മെന്‍റ് , തീയറ്റര്‍ മാക്സ് വീഡിയോ കണ്‍സപ്ഷന്‍ സര്‍വീസ്, ഫിംഗര്‍പ്രിന്‍റ് സെന്‍സര്‍ എന്നിവ ഫോണിൽ ഉൾപ്പെടുത്തിയിരിക്കുന്നു.
5 ഇഞ്ച് ഫുള്‍ എച്ച്ഡി ഡിസ്പ്ലേ ഉള്ള ഫോൺ സില്‍വര്‍, ഗോള്‍ഡ്, ഡാര്‍ക്ക് ഗ്രേ കളറുകളിലായിരിക്കും ലഭിക്കുക.
Post Your Comments