ലോസ് ആഞ്ജലീസ്: യു എസ് വോട്ടെടുപ്പിനിടെ പോളിങ് ബൂത്തുകളിൽ വെടിവയ്പ്പ്. കാലിഫോര്‍ണിയയിലെ രണ്ട് പോളിങ് ബൂത്തുകളില്‍ ഉണ്ടായ വെടിവെപ്പില്‍ ഒരാള്‍ കൊല്ലപ്പെട്ടു. മൂന്ന് പേര്‍ക്ക് പരിക്കേറ്റു. പരിക്കേറ്റവരെ ആശുപത്രിയിൽ പ്രവേശിപ്പിച്ചു. പരിക്കേറ്റവരുടെ നില ഗുരുതരമാണെന്നാണ് റിപ്പോര്‍ട്ടുകള്‍. വെടിവെപ്പിനെ തുടര്‍ന്ന് രണ്ട് പോളിങ് സ്റ്റേഷനുകളും അടച്ചു.
ലോസ് ആഞ്ജലീസില്‍ നിന്നും 20 കിലോമീറ്റര്‍ അകലെയുള്ള അസൂസായിലാണ് വെടിവെപ്പുണ്ടായത്.
വെടിയുതിര്‍ത്ത ആളെ പിടിക്കാനായില്ല. പക്ഷെ പ്രതി സമീപപ്രദേശത്തു തന്നെയുണ്ടെന്നാണ് പോലീസ് നിഗമനം. പ്രതിയ്ക്കായി തിരച്ചില്‍ തുടരുകയാണ്. വെടിയുതുര്‍ത്തത് ഒരു സ്ത്രീയാണോ എന്നും പോലീസ് സംശയിക്കുന്നുണ്ട്. വെടിവെപ്പിന് പിന്നില്‍ രാഷ്ട്രീയ ലക്ഷ്യങ്ങളുണ്ടോയെന്ന് വ്യക്തമല്ലെന്നും ഭീകരാക്രമണ സാധ്യതയും പരിശോധിക്കുന്നുണ്ടെന്നും കാലിഫോര്‍ണിയന്‍ പോലീസ് പറഞ്ഞു.
Post Your Comments