ലോകത്ത്‌ ഐ എസിനു ഭയമുള്ളത് ഇസ്രയേലിനെ മാത്രം- വെളിപ്പെടുത്തൽ ഐഎസിന്റെ ഒപ്പം 10 ദിവസം ചിലവഴിച്ച ആൾ

ലോകത്തു ഐ എസിനു ഭയമുള്ള ഏക രാജ്യം ഇസ്‌റായേൽ ആണെന്ന വെളിപ്പെടുത്തലുമായി ഒരു മാധ്യമപ്രവർത്തകൻ.മാധ്യമ പ്രവർത്തകനായ ജർഗൻ ടോഡൻ ഹോഫർ 10 ദിവസം ഐ എസിന്റെ കൂടെ ചിലവഴിച്ചു ശേഖരിച്ച വിവരങ്ങളാണ് ഇത്.അമേരിക്കയെയും റഷ്യയെയും ഒന്നും തങ്ങൾക്കു ഭയമില്ലെന്നും എന്നാൽ ഇസ്രായേൽ സൈന്യത്തിന്റെ കഴിവിനെ തങ്ങൾ ഭയപ്പെടുന്നതായും അവർ ജർഗനോട് പറഞ്ഞു.

അത്രയധികം അപകടകാരികളാണ് ഇസ്രായേൽ സൈന്യം എന്നാണ് ഐ എസിന്റെ അഭിപ്രായം. ഇസ്‌ലാമിക് സ്റ്റേറ്റിൽ പത്തു ദിവസം എന്ന പേരിൽ ജർഗന്റെ അഭിമുഖം ജർമ്മൻ മാധ്യമം തിങ്കളാഴ്ച പുറത്തു വിട്ടു.ഐ എസ് അനുമതിയോടെയായിരുന്നു അദ്ദേഹം അവരുടെ ക്യാംപുകളിൽ 10 ദിവസം കഴിഞ്ഞത്.മറ്റു രാജ്യങ്ങളുടെ വ്യോമാക്രമണങ്ങളില്‍ തങ്ങള്‍ക്ക് ക്ഷീണം ഉണ്ടായതായും അവര്‍ സമ്മതിക്കുന്നു.