ആലപ്പുഴ:ബിപിഎൽ കാർഡിന് അപേക്ഷിക്കാൻ വന്ന വീട്ടമ്മയുടെ ബാഗിൽ നിന്ന് കാണാതായ സാധനങ്ങളുടെ ലിസ്റ്റ് കേട്ടാൽ ഞെട്ടും. ബിപിഎൽ കാർഡിന് അപേക്ഷ പുതുക്കാൻ വന്ന പാവപ്പെട്ട വീട്ടമ്മ അല്ല, പകരം ലക്ഷാധിപതിയായ വീട്ടമ്മയുടെ നഷ്ടപ്പെട്ട സാധനങ്ങളുടെ പട്ടിക ഇതാ,ഐ ഫോണ്‍, 7 എടിഎം കാര്‍ഡ്, പാന്‍ കാര്‍ഡ്, വീടിന്റെയും വാഹനത്തിന്റെയും ബാങ്ക് ലോക്കറിന്റെയും താക്കോല്‍, രണ്ടു ലക്ഷം രൂപ, പത്തു പവന്‍ സ്വര്‍ണാഭരണം,കഞ്ഞിക്കുഴിയിലെയും മുഹമ്മയിലെയും 70 സെന്റ് സ്ഥലത്തിന്റെ ആധാരം എന്നിവയും നഷ്ടപ്പെട്ടു.
ഇനി കണ്ടുപിടിച്ചു കൊടുക്കുന്നവർക്ക് പ്രതിഫലവും പ്രഖ്യാപിച്ചു; 3 ലക്ഷം രൂപ !!എന്തായാലും ഈ വാർത്ത വായിക്കുന്നവർക്ക് അത്ഭുതം അടക്കാനാവുന്നില്ല. ചേര്‍ത്തല താലൂക്ക് പരിസരത്തു നിന്ന് വീട്ടമ്മയുടെ ബാഗു നഷ്ടപ്പെട്ടുവെന്നായിരുന്നു വാര്‍ത്ത. ബിപിഎല്‍ ലിസ്റ്റില്‍ ഉള്‍പ്പെടുത്താന്‍ പരാതി കൊടുക്കാനുള്ള തിരക്കിനിടെയാണു സംഭവമെന്നും വാര്‍ത്തയില്‍ പറയുന്നു.പതിവ് പോലെ ട്രോളന്മാർ ഈ വിഷയം ഏറ്റെടുക്കുകയും ചെയ്തു. നഷ്ടമായ സാധനങ്ങളുടെ പട്ടിക കേട്ടു ‘കഷ്ടം തോന്നിയാണ്’ സോഷ്യല്‍ മീഡിയ ‘എന്റെ വക 500’ നല്‍കാമെന്നു സമ്മതിച്ചത്.
Post Your Comments