ബാഗ്ദാദ്: ഐഎസിന് ഭീഷണിയായിരിക്കുകയാണ് മൊസൂളിലെ സ്നൈപ്പര് ഷൂട്ടര്‍. ഐഎസ് ഭീകരരെ തക്കം പാര്‍ത്തിരുന്ന് വെടിവെച്ചിടുകയാണ് സ്നൈപ്പര്. ഇറാഖ് സൈന്യത്തിന് ശക്തമായ പിന്തുണ നല്‍കുകയാണ് ഈ അജ്ഞാതനായ സ്നൈപ്പര് ഷൂട്ടര്‍. നിരവധി ഭീകരര്‍ ഇതിനോടകം ഇയാളുടെ വെടിയുണ്ടയില്‍ കുരുങ്ങി.
കഴിഞ്ഞ ദിവസം 15 കാരനെ വധിക്കാനൊരുങ്ങിയ ഐഎസ് ഭീകരനെയും ഇയാള്‍ വകവരുത്തിയെന്നാണ് ഇറാഖ് സൈന്യം പറയുന്നത്. ഒറ്റയാള്‍ പട്ടാളമായി യുദ്ധം നടത്തുകയാണ് ഈ സ്നൈപ്പര്. അജ്ഞാതനായ ഇയാള്‍ മൊസൂളിലെ സ്നൈപ്പര് എന്നാണ് അറിയപ്പെടുന്നത്. പെട്രോളിംഗിനായ് തെരുവിലിറങ്ങുന്ന സമയത്താണ് ഇയാള്‍ ഭീകരര്‍ക്ക് എതിരെ വെടി വയ്ക്കുക.
തക്കം പാര്‍ത്തിരുന്ന് വെടി വെക്കുന്നതാണ് ഇയാളുടെ രീതി. ഭീകരര്‍ക്ക് ഇയാളെ ഒന്നും ചെയ്യാന്‍ ഇതുവരെ കഴിഞ്ഞിട്ടില്ല. അപ്രതീക്ഷിതമായ വെടിയില്‍ പരിഭ്രാന്തരായ ഭീകരര്‍ തുറന്ന വെടിവെപ്പ് നടത്തിയെങ്കിലും അപ്പോഴേക്കും സ്നൈപ്പര് കടന്ന് കളഞ്ഞിരുന്നു. ഇതുപോലുള്ള ആളുകള്‍ മുന്നോട്ടു വരുന്നുണ്ടെന്നാണ് റിപ്പോര്‍ട്ട്.
Post Your Comments