നവരാത്രി-ദീപാവലി വമ്പന്‍ ഓഫറുകളുമായി ഓണ്‍ലൈന്‍ ഷോപ്പിംഗ് കമ്പനികള്‍

മുംബൈ : ദീപാവലിയോട് അനുബന്ധിച്ച് ഉപഭോക്താക്കളെ ആകര്‍ഷിക്കാന്‍ വമ്പന്‍ ഓഫറുമായി ഓണ്‍ലൈന്‍ വ്യാപാര വെബ്‌സൈറ്റുകള്‍. ഗ്രേറ്റ് ഇന്ത്യന്‍ ഫെസ്റ്റിവല്‍ എന്ന പേരിലാണ് ആമസോണ്‍ ഉപഭോക്താക്കളെ ആകര്‍ഷിക്കുന്നത്. ബിഗ് ബില്യണ്‍ ഡേ എന്ന് പേരിട്ടാണ് ഫഌപ്പ്കാര്‍ട്ട് രംഗത്തെത്തിയത്.

അണ്‍ബോക്‌സ് ദീവാലി സെയ്ല്‍ എന്ന പേരില്‍ സ്‌നാപ് ഡീലും ഒരുങ്ങിക്കഴിഞ്ഞു.
പുതിയതും വലുതുമായ ഓഫറുകളാണ് ഓണ്‍ലൈന്‍ വ്യാപാര വമ്പന്മാര്‍ ഒരുക്കിയിരിയ്ക്കുന്നത്
. എല്ലാ വിഭാഗത്തിലുമുള്ള ഉല്‍പ്പന്നങ്ങള്‍ക്ക് ആകര്‍ഷകമായ ഓഫറുകളും വിലക്കുറവുമുണ്ട്. 20 മുതല്‍ 80 ശതമാനം വരെ ഓഫറുകളാണ് വ്യത്യസ്ത ഉല്‍പ്പന്നങ്ങള്‍ക്ക് കമ്പനികള്‍ നല്‍കുന്നത്.
ഒക്ടോബര്‍ രണ്ടു മുതല്‍ ആറാം തീയതി വരെയാണ് വാര്‍ഷിക ബിഗ് ബില്ല്യന്‍ ഡേ വില്‍പന. സ്മാര്‍ട്ട് ഫോണുകള്‍, സ്മാര്‍ട്ട് വാച്ചുകള്‍, ടാബ്‌ലറ്റുകള്‍ എന്നിവ മുതല്‍ ഗൃഹോപകരണങ്ങള്‍, ദൈനംദിന ഉപഭോഗ വസ്തുക്കള്‍ക്കെല്ലാം വലിയ ഡിസ്‌കൗണ്ട് ആണ് പ്രഖ്യാപിച്ചിരിക്കുന്നത്. ഡിസ്‌കൗണ്ടിനൊപ്പം എക്‌സചേഞ്ച് ഓഫറും കമ്പനികള്‍ മുന്നോട്ട് വയ്ക്കുന്നു.
Asus ZenFone 2, LeEco Le 2, LeEco Le 1s Eco, Moto X Play എന്നിവയ്ക്കാണ് ബിഗ് ബില്ല്യന്‍ ഡേയില്‍ സ്മാര്‍ട് ഫോണുകള്‍ക്കായി പ്രഖ്യാപിച്ച വലിയ ഡിസ്‌കൗണ്ട്. Asus ZenFone 2വിന് 1,000 രൂപയുടെ വിലക്കുറവാണ് പ്രഖ്യാപിച്ചിരിക്കുന്നത്. 9,999 രൂപയ്ക്ക് ഉല്‍പ്പന്നം ലഭ്യമാകും. Moto X Play യുടെ 16GB, 32GB ഫോണുകള്‍ക്ക് 4,500 രൂപ വരെയാണ് എക്‌സ്‌ചേഞ്ച് ഓഫര്‍.

LeEco Le 2 10,499 രൂപയ്ക്ക് സ്വന്തമാക്കാം. 11,999 ആണ് യഥാര്‍ഥ വില. LeEco Le 1s Eco വിനു രണ്ടായിരം രൂപയുടെ കുറവാണ് പ്രഖ്യാപിച്ചത്. 7,999 രൂപയാണ് LeEco Le 1s Ecoയുടെ വില. ഫഌപ്പ്കാര്‍ട്ടില്‍ രണ്ടു LeEco Le ഫോണുകള്‍ക്കും യഥാക്രമം 8,000, 6,500 രൂപയുടെ ഡിസ്‌കൗണ്ടാണ് നല്‍കുന്നത്.</p>
ആപ്പിളിന്റെ 25,990 രൂപ വിലയുള്ള വാച്ച് 12,999 രൂപയ്ക്കാണ് ഫ്‌ലിപ് കാര്‍ട്ട് പ്രഖ്യാപിച്ച വമ്പന്‍ ഓഫര്‍. ഗൂഗിള്‍ ക്രോംകാസ്റ്റ് ടു 2,999 രൂപയ്ക്കാണ് നല്‍കുന്നത്. 3,399 രൂപയാണ് ഗൂഗിള്‍ ക്രോംകാസ്റ്റ് ടുവിന്റെ യഥാര്‍ഥ വില.

15,500 രൂപ വിലയുള്ള Altec Lansing speaker 4,999 രൂപയ്ക്ക് ലഭിക്കും. 7,990 രൂപ വിലയുള്ള JBL Flip 2 Speaker 3,999 രൂപയ്ക്കാണ് ലഭ്യമാവും. ലെനോവോയുടെ 900 രൂപയുടെ 10400 mAh പവര്‍ ബാങ്ക് 799 രൂപയ്ക്ക് ലഭിക്കും. ബോസ് ഹെഡ്‌ഫോണുകള്‍ക്ക് മുപ്പതു ശതമാനം ഡിസ്‌കൗണ്ട് പ്രഖ്യാപിച്ചിട്ടുണ്ട്.

ഹോം ഇലക്ട്രോണിക്‌സ്, അപ്ലയന്‍സ് എന്നിവയ്ക്കും ഉത്സവദിനങ്ങളില്‍ പ്രത്യകം ഡിസ്‌കൗണ്ട് പ്രഖ്യാപിച്ചിട്ടുണ്ട്. 22,990 രൂപയുടെ ഒനിഡ ഫ്രണ്ട് ലോഡിങ് വാഷിംഗ് മെഷീന് 15,990 രൂപയാണ് ഓഫര്‍ വില. 6,995 ന്റെ Prestige Air Fryer 3,499 രൂപയ്ക്ക് ലഭ്യമാവും.

ടെലിവിഷന്‍ കമ്പനികളായ Vu, BPL, Vivid എന്നിവ വന്‍ ഓഫറുകളാണ് നല്‍കുന്നത്. ഇലക്ട്രോണിക്‌സ് ഉല്‍പ്പന്നങ്ങള്‍ക്കൊപ്പം ഫാഷനിലും വിലക്കുറവും ഓഫറുകളും പ്രഖ്യാപിച്ചിട്ടുണ്ട്. തുണിത്തരങ്ങള്‍, ഫുട്‌വെയര്‍, വാച്ചുകള്‍, സണ്‍ഗ്ലാസുകള്‍, വിവിധ ആക്‌സസറികള്‍ എന്നിവയ്‌ക്കെല്ലാം നാല്‍പ്പത് ശതമാനം വരെയാണ് ഓഫര്‍.

എസ്.ബി.ഐയുടെ ഡെബിറ്റ് 8211; ക്രെഡിറ്റ് കാര്‍ഡ് ഹോള്‍ഡര്‍മാര്‍ക്ക് ഫഌപ് കാര്‍ട്ടില്‍ നിന്നു പത്തു ശതമാനം ഡിസ്‌കൗണ്ട് ലഭിക്കും. എച്ഡ.ിഎഫ്.സി അക്കൗണ്ട് ഹോള്‍ഡര്‍മാര്‍ക്ക് 10ഉം 15ഉം ശതമാനമാണ് കാഷ് ബാക്ക് ഓഫര്‍ ലഭ്യമാവുക. സിറ്റി ഫിനാന്‍ഷ്യല്‍ വഴി ഉല്‍പ്പന്നങ്ങള്‍ വാങ്ങുന്നവര്‍ക്ക് 20 ശതമാനം വരെയാണ് സ്‌നാപ് ഡീല്‍ പ്രഖ്യാപിച്ച ക്യാഷ് ബാക്ക് ഓഫര്‍.