ധാക്ക● ഇന്ത്യന്‍ സൈന്യം പാക് അധീന കാശ്മീരില്‍ കടന്ന് ശക്തമായ തിരിച്ചടി നല്‍കിയതിന് പിന്നാലെ ഇന്ത്യന്‍ ഹോക്കി ടീം വകയും പാകിസ്ഥാന് തിരിച്ചടി. ധാക്കയില്‍ നടന്ന അണ്ടര്‍ 18 ഏഷ്യാകപ്പ് ഹോക്കി ചാമ്പ്യന്‍ഷിപ്പിന്റെ സെമിയില്‍ പാകിസ്ഥാനെ തകര്‍ത്ത് ഇന്ത്യ ഫൈനലില്‍ പ്രവേശിച്ചു.
ഒന്നിനെതിരെ മൂന്ന് ഗോളുകള്‍ക്കാണ് ഇന്ത്യന്‍ ചുണക്കുട്ടികള്‍ പാക് നിരയെ തുരത്തിയത്. ആദ്യപകുതിയില്‍ ഇന്ത്യ എതിരില്ലാത്ത രണ്ടുഗോളിന് മുന്നിലായിരുന്നു. രണ്ടാം പകുതിയില്‍ ഒരു ഗോള്‍ കൂടി 3-0 ന് മുന്നിട്ട നിന്ന ഇന്ത്യ അവസാനം വരെ മേധാവിത്വം പുലര്‍ത്തി. ഒടുവില്‍ അവസാന നിമിഷമാണ് പാകിസ്ഥാന് ആശ്വാസ ഗോള്‍ കണ്ടെത്താനായത്.
Post Your Comments