കായംകുളം : ഗര്‍ഭിണിയെ പീഡിപ്പിക്കാന്‍ ശ്രമിച്ച ആള്‍ പിടിയില്‍. കൊല്ലം സ്വദേശി ആന്റോയിസര്‍ (58) ആണ് അറസ്റ്റിലായത്. മെഡിക്കല്‍ ഉപകരണങ്ങളുടെ പ്രവര്‍ത്തനം പരിശോധിക്കാന്‍ എത്തിയ ആന്റോയിസര്‍ ഡ്യൂട്ടിയിലുണ്ടായിരുന്ന നഴ്‌സിനൊപ്പമാണു പ്രസവ വാര്‍ഡില്‍ കയറിയത്. ഉപകരണങ്ങള്‍ പരിശോധിക്കുന്നതിനിടെ നഴ്‌സിനെ ഇയാള്‍ തന്ത്രപൂര്‍വം ഒഴിവാക്കുകയായിരുന്നു. തുടര്‍ന്നാണു യുവതിയെ പരിശോധിക്കുന്നു എന്ന വ്യാജേന ഉപദ്രവിച്ചത്. ഇയാള്‍ പോയി കഴിഞ്ഞപ്പോള്‍ യുവതി മാതാവിനോടു വിവരം പറയുകയായിരുന്നു. പിന്നീടു ഭര്‍ത്താവ് എത്തി വിവരം അറിഞ്ഞു പരാതി പറഞ്ഞതിനെ തുടര്‍ന്ന് ആശുപത്രി അധികൃതര്‍ പൊലീസില്‍ അറിയിച്ചു. പൊലീസ് യുവതിയുടെ മൊഴി രേഖപ്പെടുത്തി കേസ് എടുത്ത് അന്വേഷണം നടത്തുന്നതിനിടയിലാണ് ഇയാള്‍ പിടിയിലായത്.
Post Your Comments