സ്ത്രീകള്‍ പൊതുവിടങ്ങളില്‍ സൈക്കിള്‍ ചവിട്ടിയാല്‍ ചാരിത്ര്യം നഷ്ടപെടും: ഇറാന്‍ നിയമത്തിനെതിരെ സ്ത്രീകളുടെ പ്രതിഷേധം

ഇതിനെതിരെയാണ് സൈക്കിള് ഓടിക്കുന്ന ചിത്രങ്ങളും വീഡിയോകളും സമൂഹമാധ്യമങ്ങളില് പോസ്റ്റ് ചെയ്ത് സ്ത്രീകള്‍ പ്രതിഷേധിക്കുന്നത്.
ഇറാനിയന് വുമണ് ലവ്സ് സൈക്കിളിങ് എന്ന ഹാഷ്ടാഗോടെയാണ് പ്രതിഷേധക്കാരുടെ പോസ്റ്റുകള്.
മൈ സ്റ്റെല്ത്തി ഫ്രീഡം എന്ന ഫേസ്ബുക്ക് പേജില് ഇറാനികളായ അമ്മയും മകളും ചേര്ന്ന് സൈക്കിള് ചവിട്ടുന്നതിന്റെ വീഡിയോ പോസ്റ്റ് ചെയ്തിരുന്നു. ഒരു ലക്ഷത്തിലധികം ആളുകളാണ് ഈ വീഡിയോ കണ്ടിരിക്കുന്നത്. 4500 ഓളം റിയാക്ഷന്സ് ലഭിക്കുകയും ചെയ്തു. മാസിഹ് അലിനെജാദ് എന്ന മാധ്യമപ്രവര്ത്തകയാണ് മൈ സ്റ്റെല്ത്തി ഫ്രീഡത്തിന്റെ സ്ഥാപക. സ്ത്രീകള് പൊതുവിടങ്ങളില് സൈക്കിള് ചവിട്ടുന്നത് അവര്ക്കു മേല് പുരുഷന്മാരുടെ ശ്രദ്ധ പതിയാന് കാരണമാകും. ഇത് സ്ത്രീകളുടെ ചാരിത്ര്യത്തെ കളങ്കപ്പെടുത്തും. അതാണ് ഫത്വ പുറപ്പെടുവിക്കാന് കാരണമെന്ന് ഖൊമേനി പറഞ്ഞതായാണ് ഇറാനിയന്‍ മാധ്യങ്ങളുടെ റിപ്പോര്ട്ട്.