ഇന്‍ഡിഗോ ആന്‍ഡമാനിലേക്ക്

ചെന്നൈ● രാജ്യത്തെ ഏറ്റവും വലിയ ആഭ്യന്തര വിമാനക്കമ്പനിയായ ഇന്‍ഡിഗോ ആന്‍ഡമാന്‍ ദ്വീപുകളുടെ തലസ്ഥാനമായ പോര്‍ട്ട്‌ ബ്ലെയറിലേക്ക് സര്‍വീസ് ആരംഭിക്കുന്നു. സെപ്റ്റംബര്‍ 30 മുതല്‍ ചെന്നൈ നിന്നാണ് സര്‍വീസ് ആരംഭിക്കുന്നത്. ചെന്നൈയില്‍ നിന്നും ഡല്‍ഹി, ഹൈദരാബാദ് എന്നിവിടങ്ങളിലേക്കും ഇന്‍ഡിഗോ പുതിയ സര്‍വീസുകള്‍ പ്രഖ്യാപിച്ചിട്ടുണ്ട്. ചെന്നൈ-ഡല്‍ഹി സര്‍വീസ് സെപ്റ്റംബര്‍ 28 മുതലും ചെന്നൈ ഹൈദരാബാദ് സര്‍വീസ് സെപ്റ്റംബര്‍ 30 മുതലും ആരംഭിക്കും.

ചെന്നൈ-ഡല്‍ഹി റൂട്ടിലെ 11ാമത്തെ പ്രതിദിന ഇന്‍ഡിഗോ സര്‍വീസാണിത്. ചെന്നൈ ഹൈദരാബാദ് റൂട്ടിലെ എട്ടാമത്തെ സര്‍വീസും.

ചെന്നൈയില്‍ നിന്ന് ഡല്‍ഹിയിലേക്ക് ഒരു വശത്തേക്ക് 3,679 രൂപയിലും ചെന്നൈ-ഹൈദരാബാദ് റൂട്ടില്‍ 1,804 രൂപയിലും പോര്‍ട്ട്‌ബ്ലെയറിലേക്ക് 4,499 രൂപയിലുമാണ് ടിക്കറ്റ് നിരക്കുകള്‍ ആരംഭിക്കുന്നത്.

വിപണി വിഹിതത്തിന്റെ അടിസ്ഥാനത്തില്‍ ഇന്ത്യയിലെ ഏറ്റവും വലിയ വിമാനക്കമ്പനിയായ ഇന്‍ഡിഗോ ദേശിയവും അന്തര്‍ദേശീയവുമായ 41 ലക്ഷ്യസ്ഥാനങ്ങളിലേക്ക് പ്രതിദിനം 846 സര്‍വീസുകള്‍ നടത്തുന്നുണ്ട്.