ഓഫീസ് ടൂറിനു കൊണ്ടുപോയ ജീവനക്കാരിയെ കുഞ്ഞിനു മുന്നില്‍ വെച്ച് പീഡിപ്പിച്ച്‌ സ്ഥാപന ഉടമ മുങ്ങി; പോലീസ് തെരയുന്നു

രണ്ടാമത്തെ ദിവസം ഒപ്പമുണ്ടായിരുന്നവര്‍ കമ്പനിയിലെ എന്തോ അത്യാവശ്യത്തിനായി ബംഗളുരുവിലേക്കു തിരിച്ചു.യുവതിയുടെ വീട് കുടകിലായതിനാല്‍ ഒരു വയസുള്ള കുഞ്ഞിനെയും ഒപ്പം കൂട്ടിയിരുന്നു.വഴിയില്‍ കാട്ടാന ശല്യം ഉണ്ടായിരുന്നതിനാല്‍ യുവതിക്കു സ്വന്തം വീട്ടിലേക്കു പോകാനും കഴിഞ്ഞിരുന്നില്ല. ഇതിനിടെ യുവതി കുളിക്കുന്ന ദൃശ്യങ്ങള്‍ ഫോണില്‍ പകര്‍ത്തിയ ശേഷം സ്ഥാപനമുടമ യുവതിയെ ബ്ലാക്ക് മെയില്‍ ചെയ്യുകയായിരുന്നു.

ദൃശ്യങ്ങള്‍ ഓണ്‍ലൈനില്‍ അപ് ലോഡ് ചെയ്യുമെന്നും ഭര്‍ത്താവിനെ കാണിക്കുമെന്നുമായിരുന്നു ഭീഷണി. വഴങ്ങാതിരുന്ന യുവതിയെ സ്ഥാപനമുടമ ബലം പ്രയോഗിച്ചു കീഴ്‌പ്പെടുത്തുകയും പീഡന ദൃശ്യങ്ങള്‍ മൊബൈല്‍ ഫോണില്‍
പകര്‍ത്തുകയും ചെയ്തു. തുടര്‍ന്ന് മൊബൈലില്‍ പകര്‍ത്തിയ ദൃശ്യങ്ങള്‍ ഭര്‍ത്താവിനെ കാണിക്കുമെന്നു പറഞ്ഞ് ഭീഷണിപ്പെടുത്തുകയും ബംഗളുരുവില്‍ ഒരു ഫ് ളാറ്റ് വാടകയ്ക്കെടുത്ത് പലതവണ പീഡനത്തിന് വിധേയയാക്കുകയും ചെയ്തു.

യുവതിയെ തന്റെ ഭാര്യയെന്ന് പറഞ്ഞാണ് ബംഗളൂരുവിലെ അയല്‍ക്കാരെ ഇയാള്‍ പരിചയപ്പെടുത്തിയിരുന്നത്. എന്നാല്‍ അധികം വൈകാതെ തന്നെ യുവതിയുടെ ഭര്‍ത്താവ് സംഭവം അറിയുകയും ചോദ്യം ചെയ്യുകയും ചെയ്തു. ഇതോടെ യുവതി കാര്യങ്ങള്‍ തുറന്നുപറഞ്ഞു. പിന്നീടാണ് പോലീസില്‍ പരാതി നല്‍കിയത്.

ദക്ഷിണേന്ത്യയിലൊട്ടാകെ ശാഖകളുള്ള സ്ഥാപനത്തിന്റെ ഉടമയാണ് ഇയാള്‍. ഇയാളുടെ ബിസിനസ് പാര്‍ട്ണര്‍മാര്‍ക്ക് കുടകു യാത്രയുടെ ലക്ഷ്യത്തെക്കുറിച്ച്‌ അറിവുണ്ടായിരുന്നോ എന്നു സംശയിക്കുന്നതായി പോലീസ് പറഞ്ഞു. പരാതി കൊടുത്തെന്ന് അറിഞ്ഞതോടെ ഇയാള്‍ ആന്ധ്രപ്രദേശിലേക്കു മുങ്ങിയതായാണ് പോലീസിന് ലഭിച്ചിരിക്കുന്ന വിവരം.