കേരളവുമായി വിവിധരംഗങ്ങളില്‍ സഹകരിക്കാന്‍ ടാസ്മേനിയ

തിരുവനന്തപുരം:കേരളവുമായി സഹകരണത്തിന് തയ്യാറായി ടാസ്മേനിയ. കേരളവുമായി നൈപുണ്യവികസനം, ഉന്നതവിദ്യാഭ്യാസം, പാരമ്പര്യേതര ഊർജം, ടൂറിസം തുടങ്ങിയ മേഖലകളിൽ സഹകരണത്തിനാണ് ഓസ്ട്രേലിയൻ സംസ്ഥാനമായ ടാസ്മേനിയ തയ്യാറായിരിക്കുന്നത്.സംയുക്തപദ്ധതികളുടെ രൂപരേഖ തയാറാക്കുന്നതിന്റെ ഭാഗമായി ടാസ്മേനിയ വികസന, ഊർജ, പരിസ്ഥിതിമന്ത്രി മാത്യു ഗ്രൂം മുഖ്യമന്ത്രി പിണറായി വിജയനും മന്ത്രിമാരുമായി കൂടിക്കാഴ്ച നടത്തുകയുണ്ടായി.സാക്ഷരതയിലും ആരോഗ്യം ഉൾപ്പെടെയുള്ള മേഖലകളിലും ഇന്ത്യയിൽ ഒന്നാംനിര സംസ്ഥാനമായ കേരളവുമായി സഹകരിക്കുന്നതിൽ ടാസ്മേനിയൻ സർക്കാരിനു താൽപര്യമുണ്ടെന്ന് ഗ്രൂം അഭിപ്രായപ്പെട്ടു.