അബുദാബി : യു.എ.ഇയില്‍ കാലാവസ്ഥാ നിരീക്ഷണകേന്ദ്രത്തിന്റെ ജാഗ്രത നിര്‍ദ്ദേശം. മൂന്നു ദിവസമായി അനുഭവപ്പെടുന്ന ശക്തമായ പൊടിക്കാറ്റു മൂലം ദൂരക്കാഴ്ച കുറയുമെന്നതിനാല്‍ വാഹനമോടിക്കുന്നവര്‍ ജാഗ്രത പാലിക്കണമെന്നാണ് ദേശീയ കാലാവസ്ഥാ നിരീക്ഷണ കേന്ദ്രം നിര്‍ദ്ദേശം നല്‍കിയിരിക്കുന്നത്. തെക്കു കിഴക്കന്‍ കാറ്റ് മൂലമാണ് പൊടിക്കാറ്റ് അനുഭവപ്പെടുന്നത്. ഇതുകാരണം ദൂരക്കാഴ്ച 500 മീറ്റര്‍ വരെ കുറയുന്നുണ്ട്.
വിവിധ എമിറേറ്റുകളിലെ ഉള്‍പ്രദേശങ്ങളില്‍ പൊടിക്കാറ്റു ശക്തമാണ്. പൊടിപടലങ്ങളും മറ്റും റോഡുകളില്‍ നിറഞ്ഞ് സുഗമമായ ഗതാഗതത്തിനു തടസ്സമുണ്ടാക്കുന്നു. വാഹനങ്ങള്‍ക്ക് അമിതവേഗം പാടില്ല, രണ്ടു വാഹനങ്ങള്‍ തമ്മില്‍ മതിയായ അകലം സൂക്ഷിക്കുക തുടങ്ങിയ നിര്‍ദേശങ്ങള്‍ അധികൃതര്‍ നല്‍കിയിട്ടുണ്ട്. ശക്തമായ കാറ്റു കാരണം കടല്‍ പ്രക്ഷുബ്ധമാകാനും സാധ്യതയുണ്ട്, പ്രത്യേകിച്ച് വടക്കന്‍ ഭാഗങ്ങളില്‍. മീന്‍പിടുത്തക്കാര്‍ അതീവ ജാഗ്രത പാലിക്കണമെന്നും മുന്നറിയിപ്പുണ്ട്.
Post Your Comments