റിയാദ് ● സൗദിയില്‍ തിരുവനന്തപുരം സ്വദേശി വെടിയേറ്റ്‌ മരിച്ചു. ആറ്റിങ്ങല്‍ ആലംകോട് മാജിദ മന്‍സിലില്‍ പരേതനായ മീരാസാഹിബിന്‍ന്റേയും ആമിനാബീവിയുടെയും മകന്‍ നസീറാ(45)ണ് മരിച്ചത്. റിയാദില്‍ നിന്ന് 300 കിലോമീറ്റര്‍ അകലെ അഫ്ലാജില്‍ വ്യാഴാഴ്ച രാത്രി 11.30 ഓടെയാണ് സംഭവം. ഇവിടെ നസീര്‍ നടത്തുന്ന ഹോട്ടലില്‍ ഭക്ഷണം കഴിക്കാനെത്തിയ സ്വദേശികളും തമ്മില്‍ തര്‍ക്കമുണ്ടാകുകയും പിന്നീട് തോക്കുമായി മടങ്ങിയെത്തിയ സംഘം നസീറിന് നേരെ നിറയൊഴിയ്ക്കുകയുമായിരുന്നു. മൃതദേഹം അഫ്ലാജില്‍ തന്നെ ഖബറടക്കുമെന്ന് ബന്ധുക്കള്‍ പറഞ്ഞു. സീനയാണ് ഭാര്യ. മക്കള്‍: മുഹമ്മദ് ആഷിഖ്, നെഹ്റാ നസീര്‍, നസരി.
നസീർ വെടിയേറ്റു മരിക്കുന്നതിന് തൊട്ടു മുമ്പ് നസീറും സൗദ്യ സ്വദേശികളും തമ്മിൽ ഹോട്ടലിൽ നടന്ന ആക്രമണ ദൃശ്യങ്ങൾ
Post Your Comments