കോഴിക്കോട്: പ്രായപൂര്‍ത്തിയാകാത്ത വിദ്യാര്‍ത്ഥിനിയെ പീഡിപ്പിച്ച സ്കൂള്‍ ബസ് ഡ്രൈവര്‍ അറസ്റ്റില്‍. 45 വയസ്സുകാരനായ കോഴിക്കോട് മുക്കം മാങ്ങാപ്പൊയില്‍ സ്വദേശി അസ്സനാരാണ് അറസ്റ്റിലായത്. പത്താം ക്ലാസില്‍ പഠിക്കുന്ന പെണ്‍കുട്ടിയുമായി സ്കൂള്‍ ബസ്സിലെ ഡ്രൈവറായിരുന്നു അസ്സനാര്‍ കഴിഞ്ഞ മൂന്ന് വര്‍ഷമായി അടുപ്പത്തിലായിരുന്നെന്ന് പൊലീസ് പറയുന്നു. ഇയാള്‍ക്ക് ഭാര്യയും കുഞ്ഞും ഉണ്ട്. കഴിഞ്ഞ ദിവസം ഭാര്യയും കുഞ്ഞും പുറത്ത് പോയപ്പോള്‍ ഇയാള്‍ പെണ്‍കുട്ടിയുമായി വീട്ടിലെത്തുകയായിരുന്നു.
സംശയം തോന്നിയ അയല്‍വാസികളാണ് വിവരം പൊലീസില്‍ അറിയിച്ചത്. മെഡിക്കല്‍ പരിശോധനയില്‍ നിന്ന് പെണ്‍കുട്ടി ലൈംഗിക പീഡനത്തിന് വിധേയയായതായി തെളിഞ്ഞു. അസ്സനാരുമായുള്ള അടുപ്പം അറിഞ്ഞ പെണ്‍കുട്ടിയുടെ വീട്ടുകാര്‍ കുട്ടിയെ സ്കൂള്‍ ബസ്സില്‍ പോകുന്നതില്‍ നിന്ന് വിലക്കിയിരുന്നു. പിന്നീട് ഫോണിലൂടെ ഇവര്‍ ബന്ധം തുടരുകയായിരുന്നു. കൊടുവള്ളി സി.ഐ പ്രേംജിത്തിന്റെ നേതൃത്വത്തിലുള്ള പൊലീസ് സംഘമാണ് പ്രതിയെ അറസ്റ്റ് ചെയ്തത്. താമരശ്ശേരി കോടതിയില്‍ ഹാജരാക്കിയ അസ്സനാരെ 14 ദിവസത്തേക്ക് റിമാന്റ് ചെയ്തു.
Post Your Comments