ബാങ്കിൽ നിന്നും വരുന്ന വഴിയിൽ മലയാളിയുടെ കാറിൽനിന്ന് രണ്ടരലക്ഷം കവർന്നു

ബെംഗളൂരു: ബാങ്കിൽ നിന്ന് പണവുമായി പോവുകയായിരുന്ന മലയാളിയുടെ കാറിൽ നിന്ന് രണ്ടരലക്ഷം രൂപ കവർന്നു. ഫയർ സേഫ്ടി കോൺട്രാക്ടറായ വട്ടപ്പറമ്പിൽ ബിനുവിന്റെ കാറിൽ നിന്നാണ് പണം കവർന്നത്. വ്യാഴാഴ്ച ഉച്ചയ്ക്ക് മൂന്നിനാണ് മാറത്തഹള്ളി ഫെഡറൽ ബാങ്ക് ശാഖയിൽ നിന്ന് ബിനു രണ്ടരലക്ഷം രൂപ പിൻവലിച്ചത്. ലാപ്ടോപ്പ് ബാഗിലാക്കി കാറിന്റെ വലതുവശത്തെ സീറ്റിനടിയിൽ പണം സൂക്ഷിച്ചിരുന്നു. തുടർന്ന് സർജാപുര ജംക്‌ഷന് സമീപത്തെ നിർമാണം നടക്കുന്ന വ്യാപാര സമുച്ചയത്തിലേക്കാണ് പോയി. താഴത്തെ പാർക്കിങ് ഏരിയയിൽ കാർ നിർത്തി മൂന്നാം നിലയിലേക്കു പോയി.