ശ്രീനഗര്‍ ● ജമ്മു കാശ്മീരില്‍ കുപ്‌വാര ജിലയിലെ താങ്ധര്‍ സെക്ടറില്‍ നുഴഞ്ഞുകയറാന്‍ ശ്രമിച്ച ഭീകരരും സൈന്യവും തമ്മിലുണ്ടായ ഏറ്റുമുട്ടലില്‍ നാല് ഭീകരരും ഒരു സൈനികനും കൊല്ലപ്പെട്ടു. നിയന്ത്രണരേഖയില്‍ കഴിഞ്ഞ മൂന്ന് ദിവസത്തിനിടെയുണ്ടാകുന്ന രണ്ടാമത്തെ നുഴഞ്ഞുകയറ്റ ശ്രമമാണിത്.
ഭീകരരുടെ നുഴഞ്ഞുകയറ്റശ്രമം തകര്‍ക്കുന്നതിനിടെ വെടിയേറ്റ സൈനികന് പിന്നീട് മരണത്തിന് മരണത്തിന് കീഴടങ്ങുകയായിരുന്നു.സൈന്യവും ഭീകരരും തമ്മില്‍ ഏറ്റുമുട്ടല്‍ തുടരുകയാണെന്ന് സൈനിക വൃത്തങ്ങള്‍ അറിയിച്ചു.
ചൊവ്വാഴ്ച കുപ്‌വാര ജിലയിലെ മച്ചില്‍ സെക്ടറില്‍ നുഴഞ്ഞുകയറ്റശ്രമം സൈന്യം തകര്‍ത്തിരുന്നു. ഏറ്റുമുട്ടലില്‍ ഒരു സൈനികനും ഭീകരനും കൊല്ലപ്പെട്ടിരുന്നു. നാലു ജവാന്‍മാര്‍ക്കു പരിക്കേറ്റു.
Post Your Comments