കൊച്ചി: പിറവം ജങ്ഷനിലെ തുണിക്കടയിലെ ട്രയല്‍ റൂമില്‍ മൊബൈല്‍ ക്യാമറവച്ച ജീവനക്കാരന്‍ അറസ്റ്റില്‍. പിറവം ജങ്ഷനിലെ ചെറുമൂഴിക്കല്‍ ടെക്സൈ്റ്റല്‍സിലെ ജീവനക്കാരനായ കുന്നംകുളം സ്വദേശി സിജോ(29) ആണ് അറസ്റ്റിലായത്.ട്രയല്‍ റൂമിലെ രംഗങ്ങള്‍ ചിത്രീകരിച്ചതായി സംശയിക്കുന്ന ഇയാളുടെ മൊബൈല്‍ ഫോണ്‍ പോലീസ് പിടിച്ചെടുത്തു.
കടയിലെത്തിയ ഒരു പെൺകുട്ടി ഒരു ജീന്‍സ് എടുത്ത് ട്രയല്‍ റൂമില്‍വച്ച്‌ ധരിച്ചുനോക്കി പാകമല്ലെന്നുകണ്ട് മറ്റൊരു ജീന്‍സ് എടുക്കാന്‍ പോകുമ്പോള്‍, ലെഗിന്‍സ് മാറ്റിയശേഷം ജീന്‍സ് ഇട്ടുനോക്കിയാലേ പാകമാണോ എന്നറിയാന്‍ കഴിയൂവെന്ന് ജീവനക്കാരന്‍ പറഞ്ഞു.സംശയം തോന്നിയ പെണ്‍കുട്ടി ട്രയല്‍ റൂമില്‍ കയറി പരിശോധിച്ചപ്പോഴാണ് ക്യാമറ ഓണ്‍ ചെയ്ത നിലയില്‍ മൊബൈല്‍ ഫോണ്‍ ഒളിപ്പിച്ചു വച്ചിരിക്കുന്നത് കണ്ടത്. മൊബൈല്‍ ഫോണ്‍ കടയുടമയെ ഏല്‍പ്പിച്ച പെണ്‍കുട്ടിയും കുടുംബവും വിവരം പിറവം പോലീസിനെ അറിയിച്ചു.പോലീസെത്തി കടയുടമയില്‍നിന്ന് മൊബൈല്‍ ഫോണ്‍ കസ്റ്റഡിയില്‍ വാങ്ങി പരിശോധിച്ചെങ്കിലും അതില്‍ ട്രയല്‍ റൂമിലെ ദൃശ്യങ്ങള്‍ ഉണ്ടായിരുന്നില്ല. ദൃശ്യങ്ങള്‍ കടയുടമ മായ്ച്ചുകളഞ്ഞതാണോ എന്നു പോലീസിനു സംശയമുണ്ട്.
Post Your Comments