കൊച്ചി-തിരുവനന്തപുരം പുതിയ പ്രതിദിന സര്‍വീസുമായി ഇന്‍ഡിഗോ

തിരുവനന്തപുരം: കൊച്ചി-തിരുവനന്തപുരം-കൊച്ചി റൂട്ടില്‍ രണ്ടാമത്തെ നോണ്‍ സ്റ്റോപ് പ്രതിദിന സര്‍വീസുമായി സ്വകാര്യ വിമാനക്കമ്പനിയായ ഇന്‍ഡിഗോ. ജൂണ്‍ രണ്ട് മുതലാണ് പുതിയ സര്‍വീസ് ആരംഭിക്കുന്നത്. 1498 രൂപ മുതലാണ് ടിക്കറ്റ് നിരക്കുകള്‍. രാത്രി 12.20 ന് നെടുമ്പാശ്ശേരിയില്‍ നിന്ന് പുറപ്പെടുന്ന 6E 445 വിമാനം 1.10 ന് തിരുവനന്തപുരത്തെത്തും മടക്കവിമാനമായ 6E 441 രാത്രി 12.35 ന് തിരുവനന്തപുരത്ത് നിന്ന് പുറപ്പെട്ട് 1.20 ന് കൊച്ചിയിലെത്തും.

ജൂണ്‍ രണ്ട് മുതല്‍ തിരുവനന്തപുരത്ത് നിന്നും കൊച്ചിയില്‍ നിന്നും ഡല്‍ഹിയിലേക്ക് ഓരോ നോണ്‍-സ്റ്റോപ്പ്‌ പ്രതിദിന സര്‍വീസുകള്‍ കൂടി ഇന്‍ഡിഗോ പ്രഖ്യാപിച്ചിട്ടുണ്ട്. തിരുവനന്തപുരത്ത് നിന്ന് ഡല്‍ഹിയിലേക്കുള്ള ഇന്‍ഡിഗോയുടെ രണ്ടാമത്തെ നോണ്‍-സ്റ്റോപ് സര്‍വീസാണിത്.